ايش سر نشاط الحريم بتنظيف بيوتهم

ام صديقتي كذا زيك ماتقتنع بشغل احد وترجع تسوي الشغل الي سوته بنتها وصديقتي متضايقه من امها وصارت ماتثق بنفسها وتعتمد ع امها بكل شي علميها تصير زيك مو تعيدي ع شغلها بنتك بتنزعج من غير ماتحسي الله يوفقك

اولا بعد التوكل على الله التخطيط وتحديد الاولويات ثم ترتيبها حسب الاهمية بعد كذا ضروري تحديد الاشياء الي تلهي وتضيع الوقت وراح تلقين وقت فراغ طويل وسوي تحدي كل فترة تنظيم كامل البيت وازالة الكراكيب والفوضى عشان يسهل عليك التنظيم وادخلي هالركن دايم لانه تحفيز وايجابية

اشوف السر من الاساس بتربيه على النظافه خلاص كذا نتعود على الشي الي تعلمناه وانا مشكلتي لازم اشتغل بنفسي لو جاني احد بيساعد ما اقتنع بشغله حتى الشغالات ما اقتنع بشغلهم مره وزوجي تعود على اي شي انا اسويه مايحب تنظيف الشغاله ابد جبتها فتره ومشيتها

انا اشوف اللي متعود غير كذا اللي صحتها ماشاء الله تساعد واهم شيء تحب تنظف وتنظم وكل شيء مكانه وريحه حلوه وكل شيء تمام بس انا عندي مشكلة عندي ديسكين بظهري احيان غصب عني مااقدر أتحرك كثير وبنتي تكركب وامشي ورآها قسم اصيح من الالم وأيام الحمدلله اخلص من اول الصبح للظهر وأموري تمام اهم شيء لا يوجعني ظهري دورت على عشبة الكبااار عند العطارين مالقيتها يقولوا زينه للديسك ؟ المعذرة طلعت معن الموضوع بس اللي تعرف عنها تفيدني والصحه تاج ع رؤوس الأصحاء الحمدلله.

السر هو انك تتذكري المتعة اللي تحسينها لما تشوفين البيت نظيف الشي الثاني تنظيم أدوات النظافه خلي الفوط حقت التنظيف بمكان واضح منشفه خاصه للقزاز ومنشفه خاصه للخشب ومنشفه للتنفيض وخلي الممسحه دايما نظيفه عشان بعد التكنيس مباشرة تنظفي الشي الثالث تخيلي انك ضيفه فبيتك وشوفي هل يعجبك منظر البيت؟؟؟!
اول ماتفكري بالشغل بسررررعه قومي اشتغلي تلاقي نفسك متحمسه والكسل بدأ يروح
كافئي نفسك قولي اذا خلصت شغل بسويلي كوفي واحط البساكيت او حلا وشيلي الجوال قبل الشغل عشان تتحمسي كمان على القعدة عليه والبيت نظيف مع الريحة البخور او الفواحه ياسلام على الروقان عاد وقتها
وكمان التسبيح والاستغفار يعطيك قوه سبحان الله