ماهو الحل مع الزوج الكتوم ؟

أسعد الله صباحكن بالمسرات
زوجي من النوع الكتوم يبغى كل الأمور تمشي زي ماهو في باله بدون مايطلبها بشكل مباشر
يعني بأعطيكم مثال
جلس حوالي أسبوع مكتم ونفسه في طرف خشمه
كلمة ورد غطاها
وأنا بصراحة متعودة ماأساله أو أتودد له إذا مافيه شي واضح
حتى طقيت
وقلت خليني أشوف السبب والله من باب الفضول
قال لي ان دولابه غير مرتب واني مهملة في ترتيبه وتنظيفه
طيب ياآدمي ليش ماتتكلم ليش ماتطلب
أتمنى فهمتوا قصدي
يبغى يكون عندي استشعار لمتطلباته بدون مايقولها
كيف تجي ؟! الله أعلم .....
طبعاً هذا مثال للحصر وكثير مشاكل مشابهة لنفس السبب سواء مع الأطفال او من خلال التعامل الشخصي معه
الله يكون في العون بس ...