مقهورة منه حرمني الفرحة معاها

مكبره الموضوع انتي ماله داعي كل هذا الحمدلله البنت تفوقت والشهاده جت لعندكم ..خلاص انبسطي وكافئي بنتك بشي تحبه ولاتدققين على توافهه الامور..

الموضع بسيط ولا تكبرينه والترم الثاني ان شاء الله تروحين معها اهم شي وسعي صدرك ولا تجعلي الموضوع هذا بداية مشاكل بينك وبين زوجك ومع الوقت تقدري ترجعيها له مثلا لو في زواج لاحد من اهله او معزومين عند احد من اقاربه سوي كانك بتروحي ولما يقرب الموعد سوي كانك مريضه ولا تروحين لو تطلع عيونه من راسه

تمزحين صح !
مكبره الموضوع صراحه حسيت انها ماخذه الدكتوراة
حبيبتي بنتك في اول حياتها والله يجعلها حياة مديدة وزاخرة بالعلم والتفوق وتشوفينها احسن من ما تتصورين
وكلنا نتعب مع بناتنا واكيد أي ام حريصة على مستقبل عيالها ماراح تهملهم
ويمر علينا اوقات ما نقدر نروح معهم ويجيبون لنا الهدايا واحنا في البيت ونسوي لهم جوهم في البيت وينبسطون
صدقيني هذا يخليها حتى هي مستقبلا تبدا تحط لك الاعذار مو دايما تقدرين تروحين وتحضرين معها
انت كبريها وتكبر
واكيد الرجال ما قدر يطلع عنده دوام ومدير ومعاملات وامور هو مسئول عنها وهو اعرف بوضعه اذا ما يقدر
قدري الوضع هو رايح عشان يكرف ويجني الفلوس لمين ؟ مو لمستقبلكم انت وعيالك ؟
لو الموضوع خطير او ضروري ولا طلع وترك اللي بيده قلنا غلطان
بس هذا مو من الضروريات وتحصل في كل البيوت
السيارة مهي متوفرة كل ما احتجناها

شكلها اول بنت لك تدرس
ان شاء الله اذا زادو عيالك وصارو كلهم بالمدرسه يقعدو يترجوك تحضري ماراح تروحي 😂😂
يابنت الحلال لاتكبريها ولساتها اولى ابتدائي افرحي لها وانبسطي لها بالبيت وسوي لها حفله بسيطه ووديها الملاهي
وهذا لسه الترم الاول وراك الترم الثاني لاتكبري الموضوع مايستاهل
يوم تقولي حرمني الفرحه احسبها تزوجت ومنعك من حضور زواجها
اجل لو كانت في الثانوي ورسلو لك بطاقة دعوه لحضور حفل تكريم بنتك وبنفس الوقت راح تعمل مشهد تمثيلي وتقدمه على المسرح ولاقدرتي تحضري ايش كان سويتي>>>>>>> ماتقصد نفسها ابدا😂😂
لاتزعلي وقومي سوي لها كيكه واحتفلي معاها ولاتخلي للشيطان مدخل عليك
ومبروك نجاحها وعقبال الجامعه