قصتــــي للعضه والعبره يا اخوات وما ابي الا دعاكم لي ولصلاح ابنائي...................

قصتي تبداء لما كنت في الجامعه انخطبت و وافقت وملكت اول شي سويته تركت الجامعه كان تفكيري خلاص اخذت رجال يصرف علي ليش ادرس وكان هو ابددد ما يشجع الدراسه كنت سهرات وخرجات وسفرات و نسيت شي اسمه شهاده ومستقبل حملت على طول مشالله المهم بعد ثلاث سنوات بضبط اتوفى زووووجي وانا عمري 26 سنه!!!!! لكم تتخيلون وضعي رجعت غرفتي الي اربع في خمسه عند اهلي وانا معاي طفلين تسع شهور و سنه ونص وحامل لي شهر رجعت والهموم قد الجبال على راسي كيف بعيش بعد ما مات زوجي !! انا لا شهاده ولا وظيفه و كنت مهمومه واحس بضيااااع كانو اهلي بعد فتره وفتره يعطوني ميه او ميتين وغير ان في ناس كانت تتصدق علي وخصوصا بداية عدتي مامعي ولا ريال كنت مجبره اخذها والله كنت احس بغصـــــه والم بقلبي كبيرررر كان عندي شوي ذهب ابيع منه قطعه قطعه عشان الحليب والحفايض وكنت متحسره على كل شي كل يوم انام والمخده والله تمتلى دموع انام وانا ما حس بنفسي الين ما قدمت في الضمان الاجتماعي صرفو لي 1500 الحمدالله قدرت أعيش فيها انا وعيالي سكنت بشقه لحالي قريب اهلي لاني شفت انهم بدئو يتضايقون منا ومن ازعاج الأطفال صارو حتى الاكل يخاصمون اولادي عنده ولو احد فيهم يفتح التلاجه يهاوشونهم او يلعبون بصوت عالي يصارخون عليهم عشان يسكتون وانا كنت ما تحمل ان احد يغلط عليهم او يحتقرهم و قدمت جامعه من جديد وصرت ادرس من اول سنه تعبت تربية أطفال و بيت و اجيب أغراض مطبخ وطلبات ماتخلص اتحملت وصبرت برغم ضروفي ززززفت والله اني اجلس ما احصل احد اسولف معاه او اشكي له حتى صحباتي بعد ما صرت ارمله سحبو علي وماكنت اتوقع تفكيرهم غبي كدا كل وحده خايفه على زوجها لاكن خسارة اني كنت اعرف اشخاص زي كدا لاكن الدنيا علمتني ان الي حولي كثيرررررر لابسين اقنعه والضروف كشفتها وللاسف اولهم ناس قريبه مني لاكن ما عاد احد يهمني لاني شفت ان ما احد يهتم اروح واجي مع السواقين اخلص أوراق و اودي اولادي المستشفى تطعيمات أصبحت لهم ام واب وكل شي قايمه بكل شي لا اهل يهتمون ولا عمام مهتمين صبررررت اربع سنوات وانا بهم الحين انا اخر سنه في الجامعه وعيالي بروضه واموري بدائت تتحسن شوي والله ما احصل احد يسئل عن حالي او كيف دراستك حتى لما اتعب اعالج نفسي بنفسي كثيرر افتقد زوجي وكيف كانت حياتي قبل معاه لو موجود كانت الدنيا بخير كثير صفعتني الدنيا والله ماشفت السعاده بعد عينه والله حتى لما اضحك ما احس بشي اسمه سعاده لاكن انا كلي امل ان بعد صبري الي صبرته ان ربي يعوضني بسعاده تنسيني كل الشقاء ...... دعواتكم