حوبه

صار لي موقفين اول موقف وحده قريبه مني كثير دايم تهذر علي راسي ليش ماحملتي وروحي تعالجي واذا من زوجك اتركيه وكذا واحس كلامها شماته مو من باب حب او نصيحه ودايم أقول ياربي خذ لي حقي منها اذا نيتها علي شينه وسبحان الله بنتها الوحيده تزوجت وصار لها سنتين ماحملت وكل مايسالوها الناس تقول كتبه رب العالمين وتسكت وبعيونها حسره وبعدين سمعنا انه زوجها تزوج عليها عشان عندها مشاكل بالحمل
الموقف الثاني لوحده كنت افكرها صديقه بس طلعت عدوه كانت تجي وتسولف عن باقي البنات بشغلات سيئه وانا اسكت وهي ماغير تحش وطلعت تنقل الكلام لهم اني انا الي قلته لين اختربت علاقتي معاهم وانا مو حاسه لنفسي وسبحان الله ربي فضحها كانت تسولف مع وحده وتحش بصاحباتنا وبالغلط جوالها يتصل علي وحده فيهم وتسمع كل حشها بالبنات وتفضحها بالقروب ومن بعدها جات تعتذر للكل وتبكي وتقول الله يسامح بس انتو قاسيين ومن يومها الكل قطعها بس انا بعد قطعت كل صاحباتي لانهم جرحوني كيف صدقو فيني وهم سنين يعرفوني والحمدلله مرتاحه حاليا ولا ابي صداقات

راح أذكر بعض القصص لناس أقارب وراح اختصر لنفس الأسباب الي ذكرتها بائعه المسك


فيه ظلم وفيه شماته راح أذكر موقفين لشماته
الأول شخص خلقه ربي عنده تشوة في أصابع يده البنصر والوسطى كأنه مقطوعه قصيرة المهم
انه فيه واحد كل ما شاف الرجل ذا وقابله في مكان أو مناسبه يسلم عليه وهو مقفل أصابعه ويتكلم ويااشر عليه نفس الشي والقصد حسب كلامه يضحك الموجودين وكان صاحب الأصابع يتضايق منه وتزوج الشخص العيار وحملت زوجته ووصل الخبر لصاحب الأصابع وقال أسأل الله أن يبتليه بولد يدة مثلي
وجاه ولد واصابعه مثل الشخص وكلتا اليدين مو يد وحده وراح الشخص له وتاسف منه أمام الجميع في مناسبه وسامحه نسأل الله أن يعفو عنه وعنا


القصه الثانيه ارمله وزوجت عيالها وكان الصغير أكثرهم تفضيلا عندها لأنه توفي والده وهي حامل فيه وشقته بأبها مقابل لأمه
زوجته كانت تصيبها غيرة من أمه وخواته 2
وكانت تفتعل المشاكل مع خواته
لدرجه يدخل وهي تصيح خواتك سوى ووو لحد يشيش عليهم ويضربهم
المهم صارت مشكله كبيرة ولما مد يدة ضرب أخته ضرب مبرح وسحب مع الشعر طبعا أمه في الأول كانت تقول لبناتها تحاشوها ووو تجنبا للمشاكل وتصبر
لكن هاذي المرة مسكته قالت لاتمد يدك على خواتك عشان زوجتك تبقى في بيتها وتفكنا من شرها
مرت الأيام والزوجه اذا عرفت انه عند أمه يجن جنونها وظلمت البنت وتكلمت عليها لما جاء اخوها وضربها بالقوة فكوها منه قالت البنت انا ابي مصدر الكلام قال زوجتي جات وقالت انا ماقلت وجعل ماينقط في رحمي ذريه وماتوفق بحياتي مع فلان اني قلت هذا الكلام
ومرت الأيام تزوجن البنات وخلفن عيال وزوجه اخوهم لحد الآن من مستشفى لشيخ مافيها شي وماتنجب والمشاكل بينها وبين زوجها لاتنتهي خصوصا في المناسبات الأعياد الناس فرحانه وهي تصبح على مشاكل وتدخل الجيران والأهل لكن مااعترفت أبدا أبدا انها قالت وكمان أنكرت انها حلفت وان أهل زوجها ساحرينه 😑




القصه الأخيرة شخص شرا ماشيه من جارة وكان يسدده وبقي مبلغ بسيط في مثلا نقول خروف واحد فقط وكان ناوي يسدد لكن جاه واحد قال ليه فلان باعك غالي خلاص الي جاه كفاه قول انك سددته ولاعاد تعطيه شي
سمع الكلام وجاء عند جارة الصباح قال فلان مالك عندي شي وكل حقك استلمته
صاحب الماشية قال ي فلان اتق الله انت صأحب أمانه كيف تقول كذا وكذا
قال ابدا مالك شي قال تحلف أن مالي شي قال ايه والله ان مالك عندي حق وأنك أخذته كامل قال صاحب الماشيه رضيت بالله
وفي الصباح صحي صاحب الماشية على صوت جارة يصيح حظيرة الماشية احترقت بالكامل وساعده وطفوا الحريق ثم بعد المغرب سمعه يصيح وذهب له لقى جارة عنده ولد وبنت نايمين والافعى عند رؤسهم لدغتهم ودفنوا الأطفال وعزاه
وفي اليوم الثاني على صياح زوجه جارة انهدم البيت عليهم واخرجوهم أصيب بشلل نصفي وقتها اعترف وقال خلاص يارب مااطيق أكثر اعترف أن فلان الفلاني قال لي وسمعت شورة وسامحني هذا في الدنيا واخاف الآخرة وسامحه أما الي نصحه فسدت تجارته وأصيب بالفقر وكلها معروفه وأصحاب القصه الأخيرة أغلبهم توفي لكن بقي منهم كبار في السن يروون القصه
اعتذر على الاطاله لكن رجوت الفائده من القصص

لاحول ولا قوة الا بالله

فديتك احبك والله العظيم

قصصك قوية أن شاءالله اشوف نصري لي ثمان سنوات والظلم ملازمني واللي ادعي عليهم كأني ادعي لهم بالبركة مايصير لهم شي