شاركي في النقاش

سجلي الدخول لإضافة تعليق.

التعليقات

1,243
  1. @beeby

    مرحبا حوامل """
    أنا بعد ولدت ولي تسع أيام بدار الشفا بعد ما رحت لمستشفى الصباح والفروانية تخيلوا مالي سرير عندهم وكنت راح أموت من قوة الطلق وهدومي كلها دم - حسبي الله عليهم مارضوا يدخلوني لأن الرحم مفتوح أثنين صانتي بس .. أشكثر حريم يبجون بالصباح لما عرفوا ما في سرير ..والحمدلله ولدت بدار الشفا عنايتهم أكثر من روعة أهتمام وراعية حتى بنتي كانت عندهم طول الوقت ..صراحة ليت كل المستشفيات مثله وأنا توبت أول وأخر مرة أروح حكومة .
    ( أبسأل شخبار آلاء ولدت أو لا ) محد عندها خبر
  2. @beeby

    هلا أختي فوز:::
    ولاتي كانت 479 دينار شامله الأدوية والتحاليل وعنايتهم ببنتي ..
    الممرضات ما رضوا يعطوني ابره الظهر مع أني كنت اصيح
    بالولاده واطلبها . عطوني الكمام أهو الصرحه ماتحسين بشي
    بس لما قربت بنتي تطلع حسيت فيها والباقي الخياط
    والجرح ماحسيت فية .. ودكتورتي كانت زينات حبوبة هالدكتورة
    أي شي ثاني أسأليني !!!!
  3. @beeby

    لاشكر على واجب
    الدكتورة من نفس المستشفى لأني كنت واصلة حدي ..وابي أي أحد يولدني
    أما غرفتي كانت خاصة كل الأجنجة والغرف محجوزة بس فضت حطوني فيها
    طبعا ماطولت افحصوني وبعدين صعدوني الغرفة وهناك تميت لين انفتح الرحم
    3 صانتي ونزلوني عمليات الولادة وعطني طلق صناعي وساعتين وولدت ...
    أنا ما انصحج تجيبين دكتوره من بره لآن رفيجتي سوت جذي عند الهادي أولدت
    ودكتورتها بعدها ما وصلت ....
    الله يسهل عليج وتولدين بالسلامة انتي والياهل وقلبي معاج
  4. مبارك عليكم الشهر ومبروك للي ولدوا ويتربون بعزكم
    بنات آنا حيروني بالسونار وانا بالشهر السابع بس كل مكان يقولولي شي شسوي بكمل التجهيز
    وين يسوون أحسن سونار ثلاثي الأبعاد أبيه شاشة كبيرة بليييييز ساعدوني

تابعي تجارب أخرى من هذا القسم.