الولاده القيصريه 🤔

شوفي لاتصدقين اي وحده قالت ان القيصري سهله هذي انخبطت على راسها ونست والحمدلله على نعمة النسيان ان جربت طبيعي وقيصري وكل ولاده فيهم تنومت قبلها بيوم يعني طلعت روحي وولدت طبيعي ووطلعت روحي وولدت قيصري وربي وربي على اني تعزرت بالطبيعي بس يهووووووووووون مع القيصري الطبيعي كلها ثلاث غرزات وان كثرت خمس ووجعه بس بخروجه وخلاص تروح كل الاوجاع معها وتمشي وتتحرك بلا مساعده والقيصري عشرين غرزه اذا موو اكثر ولازم بالقعده والقومه مساعده غير الجلطات معرضه لها غير اثار البنج غير الكتمه غير الصداع غير انها تشم عليك وتنفك وترجعين تتنومين من جديد غير الالتصاقات بعدين وتحلمين تسوين منظار لاي عمليه بعدها سوا مراره او غير وبعدها تنسين انك تشيلين من الخوف غير لاطلعتي من الاربعين انتي وزوجك راح تتقروشون في مواضيع ثانيه يعني بالمختصر شي لايطاق الله يبعدكم عن شر العمليه

صح صادقه وخيتي اصلن التوسع من عدم الحركه وقت النفاس وكثرة الالتهابات والمويات اغلب المجتمع تجخم في فراشها اربعين يوم لين تطيح العضله وفي جايبه ١٥وكنها بنت عشانها تتحرك كثير

العمليه شق بطن مو لعب عيال شق سبع طبقات مو لعبه يحصل نزيف ويروح دمك ياام غذاء انتي ويالله دبري عمرك صادقه الاخت وش دخل الغذا اعرف حريم تاكل الاخضر واليابس ودايم تعبانه وبعضهم نحيفه موت معتمده بس على الصامولي والجبنه وطيبه مافيها شي الوحده تهرج ماجربت شي

الطلق والألم ماصارت قضيه بالنسبه للولاده الطبيعيه إبرة الظهر تولدين وانتي تضحكين وتدفعين بطريقه تحافظ على سلامة المنطقه ومجرد شق بسيط وكم غرزه وتقومين تمشين ويجيك زوجك بعد الولاده وانتي مبسوطه وجالسه تسولفين وتتصورين معاه ومع البيبي انا اتصور مع اطفالي فيديو وصور وانا بغرفة الولاده الولاده الطبيعيه نعمه أسأل الله يكتبها لكل مسلمه وحتى قبل وقت الزياره اقدر ابدل لبسي واتزين وزوجي من كثر ماهو مبسوط من شكلي وابتسامتي وطفلي بحضني بس ماسك الكاميرا ويصور فينا وقبل نهاية الأربعين تقدرين تسوين تمارين شد البطن وترجعين عروسه ماكأنك ولدتي .. نجي للعمليه الله لا يكتبها على مسلمه .. تخدير عام وتنفس صناعي ماادري متى تقدر تصحى وتشوف ولدها واذا صحت قامت تكح بسبب أنبوب التنفس اللي كان بحلقها وليتها تقدر تكح مع العمليه كل كحه تطلع روحها معها .. ولازم أحد يرافق معها ويجون الزوار وهي منسدحه على ظهرها لا قدرت تغير ملابسها ولا قدرت ترتب شعرها وشكلها طفلها ماتقدر تحضنه وترضعه بس تناظره او احد يشيله لها والقومه والجلسه جهاد غير انبوب القسطره اللي من الجرح واللي تشيلها معاها كل ماقامت ومليانه دم وسوايل .. خمس ايام الى اسبوع وهي بالمستشفى وتمشي ظهرها منحني لأن كم طبقه يشقونها حتى يطلع الجنين واللي تقول الشق قد الإصبع لا ياعمري انا حضرت عمليه قيصريه وشفت بعيني طوله كيف يطلع طفل كامل من شق مثل طول اصبعك ! اللي يكتب أجر كل من ولدت قيصري لأنها معاناه معاناه أسأل الله يكفي كل مسلمه الحاجه لها غير الأخطاء الطبيه والمضاعفات اللي كلكم تعرفونها والتمارين ماتقدر تسويها الا بعد شهور .. الطلق اذا جاك يفرز هرمون يوسع المهبل يهيأه لمرور الطفل فسواء ولدتي طبيعي او قيصري المهبل لابد يتوسع ويتهيأ للولاده ومجرد انتهاء الولاده يتوقف افراز الهرمون ويرجع المهبل لوضعه الطبيعي بس جهل النساء هو اللي خلاهم يتوهمون الوسع والخرابيط هذي والا شق الولاده الطبيعيه خارجي ويلتئم بسرعه وبتمارين كيجل والرضاعه الطبيعيه كل شي يرجع مثل ماكان .. هذا خلق الله الذي ابدع كل شي قدر للمرأه هذه الطريقه الطبيعيه للولاده وكيف تقدر تقوم بعدها بممارسة حياتها بشكل طبيعي وجعل الرضاعه الطبيعه سبب لعودة الرحم الى ماكان عليه وهذا سبب المغص اللي تحس فيه الأم لما ترضع طفلها في الأيام الأولى .. أتمنى من كل قلبي لكل حامل ولاده طبيعيه ميسره ولو تطلب ابرة الظهر تولد وهي تسولف وتضحك وتكون أجمل تجربة ولاده بتجي وتحكيلنا عنها .. 🌹

الاجسام تختلف كل وحده غير الثانيه .. عموما لازم تهتمي بصحتك من الحمل عشان ترتاحي بالولاده
وبالاخير هي تيسير من الله ..