احب زوجة ابني بس 😔

انت اطلبي منها تساعدك قولي تعالي قدمي القهوة والا قطعي السلطة تعالي ساعديني وسولفي معاها
يعني بصراحة في نماذج حريم هنه متعمدات تستهبل ماتبي اهل الزوج يتعودون انها تشتغل وتلقون الوحدة عندها دروس قبل الزواج انها مقدمة على حرب ضرووووس ومستعدة ههههه انا شفت هالنماذج الله لا يبلانا


اصلا من الذوق حتى لو حرمة ماتقرب لي والله اقوم اساعدها هذا من الذوق كيف عاد لو كان لي بها صلة صح اني ما اخليهم يكرفوني والواحد يقل ادبه بزيادة لكن مثلا وقت مناسبة عشا اقوم اساعد


نقطة مهمة هنا بنات حواء البعض والله ماتقول كلمة الحق ابدا منحازة وبس

عادي انتي بادري وقوليلها هي يمكن تخجل او تخاف انكم تشوفوها تتدخل..

اول الله يعين رجالك عليك هذا اولا وشكلك من الحريم الي قبل تتزوج تستعد تقول مقدمه على حرب مع اهل الزوج وكل وحده وتربيتها وانا اشوف الي ماتساعد اقصد تساعد في المناسبات ام الزوج اضطرت حد يساعدها هذي قليلة ادب وتربية ورفلا


لصاحبة الموضوع لاعاد تعزمينها خلي الرفلات في بيوتهن لانهن يحبون يتضيفون بس وهنه رفلات تلقينها طول الوقت راقدة

إذا هي تزورك ما طول عنك أحمدي ربك اعرف كثير زوجات عيالهم مايزورونهم يشفون بعض بالأعياد والعزائم، ويمكن انتي مو كبيره بالسن وتشوف انك منتي بعازة مساعده وكمان البيئه لها دور كبير يمكن أهلها وحريم خوانها كذا كلن يخدم نفسه وضيفه، مدام طيبه وماجاك منها شي نعمه

انت الكبيره ولك احترامك سواء ام زوجها ولا جارتها ولا من اقصى الجماعه
لاعاد تبادرين بعزيمتها
وان جتك هي وزوجها ابدحطي القهوه عند ولدك وروحي خلصي شغله دقيقتين ثلاث وارجعي اجلسي بعيد شوي عن القهوه وخليهم يدبرون اعمارهم مين يقهويكم
وان كانت لحالها نفس الشي تقهوي قبل تجي وحطي القهوه عندها اخذي فنجال وقولي تقهوي انا تقهويت
ولاعادتطبخين لهم جيبي من برى ولا حطي نواشف
ولاعاد تبادرين بمساعدتها
وفي السفرقبل تسافرون قولي لزوجك اذا موجود اتفقي معه علشان زوجة ولدك تتسنع
قولي قدام ولدك ماراح ناخذ عزبه انا ابي ارتاح
في السفر مل الشغل علي في البيت والسفر
ولا هالمره اخذوا انتم العزبه
والاستراحه ان شاء الله وحده من الحريم تدقها بالكلام تقول لها فلانه انت ماتعرفين السنع ورى ماتقومين مع ام زوجك
والي اقول هي ماهي ملزومه في ام الزوج
اذا جالها عيال لاتجي تدور ام الزوج تحط عيالها عندها وقت الوظيفه وقت السوق والتمشيه تقوم بزوجها وعيالها وطبخ طبختيه يارفلا اكليه