خطيبي الاول كلمني بعد زواجي بأكثر من ثلاث سنوات

انتوا مافهمتم قصدها ..
هي كل الي قالته ان خديجه رضي الله عنها كان عاجبها الرسول وحبته وتزوجوا فقط .
وهي ذكرت هذا من باب انك يا اختي قلتي ان الحب حرام !!
فهي ذكرت موضوع خديجه رضي الله عنها والرسول من باب ( توضيح ان الحب موب حرام مو لغرض انها تقارن بينهم وبين الزمن هذا الله المستعان) فقط رد على كلامك يوم قلتي ان الحب حرام .
هي ماقارنت بين حبهم الشريف وحب الزمن هذا الي كله خرابيط وملعنه بس ذكرتهم عشان تبين لك ان في حب شريف ينتهي بزواج
وفعلا هي صادقه صديقتي قريبه مني حيل كود انها حبت واحد كان رجال بمعنى الكلمه وتقدم لها خطبها وتزوجها وعندهم عيال ماشاء الله.

انا قلت بلا حب بلا خرابيط
وانتي قلتيها حب خرابيط
واضح بردي اني اقصد حب المكالمات والعلاقه
وشوفي ردي الي قبله قصه قريبي الي ارسل اخته
انا ابوي حب امي معجب فيها كان يسمع عنها خاصه كانت امي مشهورة انها ذكيه ودخلت قلبه وخطبها من مدح الناس لها
اي هذا حب شريف
مو حب الخرابيط الي طايحين فيه الوقت
والعضوة تقول علاقه نزيهه بين الرسول وخديجة وانا تزوجت عن طريق علاقه نزيهه
قلت لها اشريحي له معنى العلاقه النزيهه بنظرها ماوضحت شي
الي قريته ان خديجة اعجبت وحبت الرسول وارسلت مرسول تتمنى الزواج منه والرسول راح خطبها
وين العلاقه النزيهه بالموضوع ؟؟؟ مافي اي علاقه
اذا هي صارت لها علاقه قبل الزواج لاتقارنها بخطبه الرسول وخديجه

اي والله انتي واهلك ناس ماتخافون الله، خدعتو الولد واهله ولعبتو بمشاعر هالمسكين وحرقتوا قلبه الله لايربحكم ويجازيكم بعملكم، دامكم مو مقتنعين فيه من البدايه ليش تعطون هالضعيف امل وتعلقينه بحبالك وتتواصلين معاه ، وبعدين تسحبين عليه بالساهل كذا ولا فكرتي بالانسان اللي متعلق فيك وكاره الدنيا بسببك انتي واهلك، لكن بسيطه حوبته ماتعداكم ان شالله ياعديمين الانسانيه

هي ماقارنت وشفيك 😐😂😂
العضوه قالته مافي مجال مقارنه حتى على نفسها بس ياليتكم تقروووووون زين 😡
كان كل قصدها تبين لك ان الحب الشريف هو الي ينتهي بزواج فقط

خلينا ننسى الحديث عن المصطفى محمد صلى الله عليه وسلم وخديجه رضي الله عنها.

انتي تشوفين اذا وحده حبت شخص وصار اخذ وعطا بحدود الاحترام ( اما عن طريق تلفون او ع النت )؟وماسمحت له يمس شعره منها وفاتحت امها بالموضوع لانه كان جدي وشاري البنيه وامها جدا متفهمه قالت يبيك يتقدم واتقدم وخذها على شرع الله .. هل هذي جريمه ؟
انا والله ثم والله لو بنتي جتني وفتحت موضوع لي وانا عارفه تربيه بنتي زين بقولها خليه يكلم ابوك ونشوف الرجال ونسأل!
خصوصا بالزمن هذا الدنيا تخوف لازم تحتوين بنتك وتكونين ام واخت وصديقه لها انا والله كذا مع بنتي عشان كذا صارحتني
ولو بوقف بوجه بنتي وقول لا حب وخرابيط ووو بتتمرد وتسوي اعظم ورى ظهري انا وابوها هو يعتمد على كيف تربين بنتك تربيه صالحه
و بعد في مواقع كثيره اون لاين محترمه نزيهه مثل موقع مسلمه اعرف بنات كثير تزوجوا من خلاله سعوديات خليجيات عربيات ..
انا مع الحب قبل الزواج ( بحدود وضوابط بما لايتنافى مع ديني وعقيدتي )
وهذا اتوقع الي تقصده العضوه وانا معها بصراحه
اكثر الي اعرفهم بنات تزوجوا اشخاص من اختيار الاهل وفرضوهم عليهم بالقوه ..( والبنت بالاساس عينها على شخص كان فعلا رجل معها وتقدم وانرفض من الاهل ) ايش حتكون النتيجه راح تخون زوجها الي هي مغصوبه عليه وتحكي مع الي كانت تبيه وتكتسب ذنب عظيم . وليش هالدراما لان الحب يعتبرونه حرام وجريمه وبالتالي البنت الضحيه.
لانكذب على بعضنا كلنا نتمنى نحب شخص عاقل رجل ذو دين وخلق ويصدق معنا ويتقدم كلنا ودنا بكذا وانا اولهم لانغالط انفسنا والي بداخلنا غير تماما

يابنات الله يرضى عليكم عندي ملاحظه عليكم انذكر اسم الرسول صلى الله عليه وسلم. اكثثثر من مرا ولم يتبع بقول صلى الله عليه وسلم انتبهوا واتبعوه بالصلاه والسلام لكي تكسبوا الأجر وتكسبوا بعدكم الحسنات لكل من قرأ
وانت ياصاحبة الموضوع اللي فات مات صح انت غلطتي والله يكون بعون الرجل بس الحين خلص حافظي ع بيتك وزوجك واللي صار خلص قد صار وانتهى