زوجي طيب وحنون ولكن كفخني أمس

الله يعينهم

نفسيات ذول

يمكن صح زوجها طيب وحنون وكريم وفِي لحظة غصب بكاها بدل الدمع دم وجات تشتكي هنا عادي والحرمة بطبعها حساسه

طيب وحنون وكريم وهو فقع وجه زوجته
كيف تجي هاذي؟
هذا وهو حنون سوى كذا، لو كان ملعون وش بيسوي يشنقها؟
واضح مقصد صاحبة الموضوع وانا أيدها فيه وأول مره أشوف وحده تبرد كبدي في المنتدى واحس انها صح
تقصد لا تجي وحدة تقول حنون وكريم وطيب وهو مذوقها الويل والمصروف بالشحته وكل شئ غلط لأن التناقض هذا مو فاهمته انا.
مافي حنون يضرب زوجته ولا فيه كريم تشحته زوجته الميه والميتين وهو عنده ولا فيه طيب يحملها فوق طاقتها ويجرحها باللفظ وبالعمل
الله الغني من هاذي الطيبه والحنان والكرم

والبنات الي يقولوا يمكن ظروفها
اكيد المقصود بالمجمل وليس اهل الظروف الخاصه
خلاص لا تقول طيب وحنون وكلام فاضي
تقول المشكله وتسكت
لأن كلمة حنون وطيب وضربني تستفزني انا بعد

صاحبة الموضوع ماقالت كل وحدة تنضرب ولا تنلعن تروح لاهلها
بس لما وحدة تشتكي من زوجها وهو ضاربها ولاعن ابو جدفها
لاتزبرق في زوجها
لانه اللي يضرب واللي يلعن واللي يهين واللي يبخل
مستحيل يكون شهم وحنون وطيب وكريم