اعلمها ان زوجها يخونها ولا اسكت محتاااره😢

علميها احسسسن حرام يلعب عليها

طيب لنفرض انك علمتيها اووكي .. بيصير حدا الامرين :
1- بتتهاوش هي وزوجها وبتصير مشاكل وممكن يتطلقون ويتشتتون وان كان بينهم عيال بيضيعون بين امهم وابووهم وبيصيروون مو مستقرين وانتي عارفه توابع الطلاق ..
بتروح عند اهلها .... اهلها مايبون عيالها .. ابوهم حرمها من عيالها محاكم دنيا حووسه ووجع راس..
ويمكن يتزوج وياخذ عياله ويمكن مرة ابوهم ماتكون زينه معهم وووو الخ ...
مشاكل وتعب نفسي وجسدي ماله نهاية وذنب هالاطفال اللي بيتشتتون برقبتك ..
2- بتسكت وما راح تطلق علشان عيالها او للأسباب خاصه ... وراح ترضخ للامر الواقع وتحاول تكمل حياتها معاه .. لكن النتيجه وش .. بتكون بينهم دايم مشاكل وماراح تنسى وبتنجرح وتكمل حياتها وهالجرح بقلبها لان وجع الخيانه بيبقى بقلبها ومستحيل تنساه .. صدقيني بتتعب نفسيتها وبتهمل نفسها وتعيش بكآبه .. وبتتمنى لو انها ما عرفت .. لان لو حتى كان يحبها .واللي صار نزوه بيعتذر ويسوي المستحيل علشان رضاها .. ويمكن تسامحه .. لكن بيطيح من عينها وماعاد تثق فيه مثل اول .. وبتعيش جسد من غير رووح ..
هاه وش رايك وش راح تستفيدين من الموضوع بكل الحالات .. ؟؟ تتوقعين بتنبسط انك علمتيها .. او بتاخذك بالاحضان .. او تتوقعين بتقولك ياسلام عليك والله انك صديقه وفيه وتعتبريني اختك وتحبيني كثييير لدرجه انك خربتي بيتي وشتتي عايلتي بسبب حبك لي ...
سؤاال بالله عليك .. لو علمتيها وصارت مشاكل لانو 100%100 بتصير مشاكل .. وبعدين وش بتسوين هل بتعيشين مرتاحه هل تاكلين ببيتك وتشربين وتنامين وتطلعين مع زوجك تتمشين وحياتك عال العال .. وهي بيتها منخرب بسبتك بس بعرف وش تستفيدين .. وعادي عندك بيكون مرتاح ضميرك وبيت اللي تحبينها منخرب .. ياخي نفسيا بتتعب حتى لو ماتطلقو .. اذا تحبينها كيف ترضين انها تتعب نفسيا وتعيش مجروحه وبهم وغم ..


لاتفكرين هالموضوع سهل .. خصوووصا انه تحبه مووت .. لان هالشي بيكسر قلبها ..
وفوووق كل هذا ... اسسسساسا انتي مالك دخل .. ولالك علاقه فيهم .. ولاتسوين فيها انا الصديقه المخلصه .. وتخربين بيوت الله سبحانه ساتر عليهم ..
فالله يخليك فكيها .. لان الشيطان مامات .وهو اللي قاعد يوسوسلك يوه صديقتك حرام ترضين عليها تعيش مغفله ...الخ .. لان افضل عمل يسويه الشيطان .. وينبسط عليه ابليس ويقوله تعال انت ذراعي اليمين .. هو التفريق بين الزوج وزوجها .. فهو جالس يووزك فادحري الشيطان وتعوذي منه .. وصلي لك ركعتين بنص الليل وادعيلها .. اذا انتي فعلا تحبينها .. والدعاء لاخيك المسلم بظهر الغيب مستجاب ان شاءالله ..وطنشي ..
ولاتعلمين زوجك .. يمكن متزوجها بالسر عقبن زوجك تزين له السالفه .. ويقوله دلن ع ناس مثل الي عندك نتزوجهم مسيار انتبهي ..
وبعدين لو هي طلعت زوجته بالسر فانتي بتخسرين .. لان اولا ما عصى الله ولا خان وبيصير عليك انتي الذنب لانك خربتي بيتها وخببتيها ع زوجها ..
ومن حسن إسلام المرء تركه مالا يعنيه ..

كان صورتيه

لا ياقلبي لاقولي لها احسن لك لاينخرب بيتها وقت ماربي يريد تعرف بتعرف

لاتقولي لها