كره زوجي وشعوري

هو قال انه يكرهني ومو اول مره بالبدايه قلت يكابر وزعلان بس حركاته صارت تدل على هالشي وقالها بالفم المليان ما اطيقك وراح

لو مايبيك ويكرهك كان طلقك من زمان الرجال مايقدر يعيش كع وحده ماتبيه او هو مايبيها
مستحيل
تقربي منه وانسي الماضي وشوفي وش في خاطره
والله اذا اعترف لك في لحظه صفاء انه مايبيك فلك حرية الاختيار

انا ما اعرف اذا بينكم مشاكل كبيرة او لا المهم اللي بقولك عليه ولازم تؤمني فيه


أنتم تحبون بعض هو يحبك وأنت كمان تحبيه وهذا شي ولا تقدرون تصبرون عن بعض بس تكابروا عشانكم موجودين مع بعض ع طول وسوء الفهم اللي بينكم يكبت على مشاعر المودة اللي بينكم.


حتى لو قال أنا اكرهك مو معناها انه صادق كثيير ازواج يتسرع ويحكم على مشاعره تجاه زوجته اذا سوت شي ما يرضيه بس لو فعلا كشف عن مشاعره رح يلقى انه خدع نفسه..


بقولك على شي سويه وإن شاء الله يجيب نتيجه:
ليلة تجهزي وجهزي نفسك وبيتك ونومي ولدك وخلي الجو هادي واذا جاء قولي له فيه موضوع ابغى اكلمك فيه بس بعد ما ناكل شي خفيف جهزي حلى فطاير عصير او حتى عشاء اذا هو يتعشى عندك وبعد ما تجلسوا مع بعض وتستانسوا وتنبسطوا قولي يا ابو فلان احنا لازم نرسي على بر أنا أحبك ومستحيل افكر اعيش بعيدة عنك بس وضعنا ما يخارج دايم مشاكل والأولى بالاثنين زينا نكون عصافير حب وكل واحد يدور على سعادة الثاني
يمكن صح احيانا ازعلك وما افهم عليك بس كمان انت تزعلني وتخليني ادور حول نفسي.
قولي اللي تبغى وارسم حياتك زي ما تتخيل وابشر فيه
وأنا كمان لي حقوق عليك وأبيك تعيشني زي ما أتمنى ويشهد الله إنك عندي أحسن من كل رجال العالم اللي حريمهم ياخذون منهم اللي يبون ولا زادوا عليك بشي وما ارضى تكون حياتنا مهزوزة بهالشكل.
وشوفي وش يرد عليك وحاولي يكون حواركم هادي وفيه بعض التنازلات بس مو كل شي لا اطلبي منه بثقة انه بيعطيك اللي تبين.


لعل وعسى يكون فيه نتيجة

اختي اناراح اكون صريحه معاكي وافوقك من الحلم الي انتي عايشه فيه...انتي الحين بارض الواقع وصار الزواج الناجح مبني على العقل وليس على المشاعر...العقل يقول الزواج هو استقلاليه بيت لي لحالي اسوي فيه الي ابغاه ...اطفال يملو علي حياتي اعطيهم الحب ويعطوني اياه لانه الحب الحقيقي معهم هم وراح يكبروا بكره ويعوضوني عن جميع النقص الي لقيته مع ابوهم ..راح يحبوني ..راح يبروني ...راح يمشوني .....واشياء كثيره.....عندك طفل الحين وعايشه ببيتك وماعليك قاصر وش لك بمشاعره حبك اولا ...انتي حبي نفسك وماعليك منه ...الزواج مبني على المصلحه ...واذا لقينا الحب حلو ...بس مو معناته مافيه محبه الزواج ماراح يستمر...لا ثم لا...الزواج مبني على المصلحه

وكمان اذا فيه امكانية اطلبي منه ترتاحي عند أهلك اسبوع بعد هالكلام تعذري بأي شي وتكون فترة نقاهة تعيدون حساباتكم فيها.
وهالأسبوع عيشوه كأنكم مخطوبين بدون طلبات ولا شي سوالف بالتليفون وبس