انا وزجوجي ووالدته والبيت الجديد

انا عندي فكرة حلوة
السطح ابني في السطح غرفتين واحدة للغسيل ووحدة الالعاب نعم حمام
وفي الدور الارضي
اعزلي غرفة لام زوجك يكون الدخولها من باب منعزل
من الحوش مع حمام ومطبخ القهوة والشاي
ويكون باب ع شفتك لاجوا اهل زوجك اقفلي الباب بالمفتاح
او ابني فوق في السطح مطبخ خاص لك وغرف النوم
لك ولعيالك وتحت غرف الضيوف يصير لاسفرتي قفلتي اللي فوق وبس

حطي لها تلفزيون وثلاجة صغيره وعبيها لها وجيبي ترامس قهوة وشاي وعبيها وتمر وغلفيه وقفلي بيتك وروحي مشوارك وإذا يبون يتعشون عند امهم يجيبون أكلهم والا من برا وانتي جاهدي نفسك على تحمل مايدوم الا الجميله تحمليهم وطنشي واطلعي الاوله عند زوجك

انا ضد كل واحدة تقول تحملي !الشرع ووهو شرع ربناما أجبرها تستقبل أم زوجها ولا تخدمها حتى لو هي بحاجة فمابالك وهي عندها بنات وقريبين منها !الزوجة من كامل حقها بيت مستقل تماماً ! مافي شي يجبرها شرعاً تتحمل ! خاصة انه الشغلة لها مليون حل ممكن منها بناء قسم منفصل منها قفل القسم بباب منفصل وغيره وغيره !كون واحدة او اثنين او مليون منكم رضيت بهالوضع رغم كونه غلط وضد حقوقها مايعني انه هالشيء صح والي تيجي بعد كذا لازم ترضخ وترضى !!!احنا بشر مو ملائكة ! اللي اوله شرط اخره النور والشرع مايزعل احد ! يفصل امه بنفس البيت بمدخل خاص فيها يبني لها غرفتين غرفة نوم وغرفة مجلس ومطبخ صغير مع حمام وانتهينا ! ليش لازم زوجة الابن تتحمل كل شيء بحجة انه الولد لازم يبر اهله ! وش دخلها هي ببر اهله ! في امكانية لحل وسط ليش تضغغط على نفسها !؟

حلوه اللي تتكلم في الشرع
الشرع ما يجبرها تخدمها
بس مافي شرع يبيح ان الواحد يطرد أمه ويحوجها لولد الناس
وبعدين الام بشغالتها ولها الصدر واللي يرضى في أمه مافيه خير وبدل الحرمه حرمه أما الأم ما تستشار الزوجة أصلا بيت ولدها بيتها ولها الحشمة والكرامه والمرأة الصالحة تعين زوجها على البر حتى تبرها عيالها
واللي تقول ابنوا لها غرفة واعزلوها خافي الله بيجي يوم وتكبرين وتضعفين لا حول ولا قوة إلا بالله يارب لا تؤاخذنا