زوجي وجوالي

اسفه اذا قلت لك ان الرجل الي يشك بزوجته يكون بيعمل اوسخ شي يعنى بيخاف عليكى لانه مش واثق لانه خاين والله اعلم

والله العظيم شكاك ولا وش يبي كل ماجات رساله يشيك عليها وفوق هذا ياخذ جهازها يقاله يعاقبها وهو ياخذه عشان يشوف يجيها اتصالات من ارقام غريبه ولا مسجات وبعدين ياحبيبتي موب شرط تكونين مسويه شي ولا شايف عليك شي الشكاك يشك حتى بظله لأنه مريض وحده من صديقاتي كانت كذا تقول ياخذ الجوال بأي حجه عشان يراقبه عموماً لازم تخلين حد من اهلك يكلمه ويوقفه عند حده دام انك منتي قادره تتفاهمين معان والله يهديه ويسخره لك يارب .

انا نفس وضعك ممنوع احمل البرامج
ولا اشتغل في الجوال وأي رساله تجيني قال مين مرسلك ايش تبغى ومن ذَا الكلام
قام يفتش جوالي ، هاوشته ، تعبت معاه ، اذا تهاوشنا أخذ مني الجوال وطلع ، انقهر و ابكي


بس سويت شئ خليته يترك جوالي ولا يتعرض له أبد 🤓
في حدى المرات تهاوشنا و طلب جوالي ، طفيته وأعطيته


وقلت له بنبره ثقه : لذي الدرجه ماعندك حل غير تأخذ مني الجوال ؟ خذه بالطقاق حياتي ماوقفت عالجوال ، وانت تدري ان جوالي كلهم حريم ، لو يدرون الرجال انك تفتش وتشوف اسماء حريمهم ماخلوك حي ، و تذكر كما تدين تدان ،،، ان الرجال يشوفون اسمي و رقمي عند حريمهم ،، وانت رجال ماترضى
جوالي فيه حريم بس وانت تدري و واثق اني ماأغلط
وانت رجال فاهم و حكيم ماتعالج الغلط بالغلط ،،،
مثل جوالك ماتسمح احد يشوفها صح ؟ وانا واثقه فيك لاتخلي الثقه تضيع بسبب أفكار ،،،
عندي خصوصيات انا حرمه و عندي حريم اخت و بنت خاله و جاره و صديقه يعني ماغلطت وسوالفنا سوالف حريم ماتعنيك ،،،


جوالي عندك وخلها عندك ، مابيه ... الناس عايشه بسلام مع أزواجهن و انا متحسر علي بجوال ،،،


ادري طولت عليك 🙈 ،،، بس الحمدلله ترك جوالي و مشى ولا عاد يلمسها او يفتشها ،،،
عاد شوفي زوجك اذا ينفع معاه كذا او لا ،،
خليكي واثقه من نفسك وتكلمي بثقه ... حتى اذا أخذ الجوال لا تتضايقي ،، اذا تتحملين

ايش هي الحلول ؟.!

شكلك بتحسسي زوجك ان جوالك مهم جداً لك عشان كذا بيشوفه عقاب لك انتي كم لك متزوجه ؟؟؟ انا صراحه كان إخس من زوجك بس بعدين حسسته ان جوالي مو مهم ومره صارت مشكله وقال جيبي جوالك قمت حذفت كل البرامج وقلت هذا جوالي خليه لك حياتي مو وقفه عليه طز فيه اذا بيسبب لي مشاكل وأخذه كم ساعه رجعه لي وانا ما رضيت اخذه خليته ولا مسكته كم يوم وهو اللي كان يراشيني عشان اخذه لما حسسته انه شي عادي جداً الان خلاص اخر شي يفكر فيه هو تلفوني حتى لما صرت اراسل جنبه ما يتكلم من اول كنت امسك التلفون يجنن