الموضوع مغلق

بخصوص موضوع العضوة "قسوه ه "/ تمنع مواضيع التعقيب على موضوع آخر

الاغلب قرا موضوعها ..وأسأل الله أن يجمع البنات بأمهم عاجلا غير آجل ويصلح الأحوال...
لكن أبغى أعلق على الموضوع ......!
صاحبة الموضوع تقول امهم ماتبيهم .. واللي تقول حسبي الله على اللي ترمي عيالها وتتزوج.. وهذي تقول السعوديات مدري شنو !! كلاام كثير ضايقني وخلاني أتحسب على كل وحدة انتقدت اللي تترك عيالها سواء تزوجت أو راحت لأهلها وهنا كمان أقول حسبي الله عليك ..إن شاء الله تعيشين بيوم من الايام وضعي ووضع الكثيرات من الامهات اللي انحرموا من عيالهم وانحرقت قلوبهم على فراقهم وانحرموا من أجمل لحظات حياتهم وهي تربيتهم.. ...أيا كان سبب طلاقهم ... ترى مو كل كلام يطلع عن الام يتصدق ..أنا وحده انجبرت اترك عيالي واتزوج ..وقالوا رميتهم وللحين يقولون .. وقالوا تفكر في نفسها ..لي اسباب مو مجبورة اقولها ولا أبرر لأي أحد أقابله ليش تركتهم وليش تزوجت ... مو كل المطلقات موظفات ويقدروا يفتحوا بيت ولو موظفه محد رضي تسكن مع عيالها لوحدها ..مو كلهم عندهم بيت عيله ..مو كلهم اهلهم كويسين معاهم لما ينكسروا ويرجعوا مطلقات..ويتحملوهم ويتحملوا عيالهم ..! وبالأخير فيه شي اسمه كرامة ..صبر..طاقة..ظروووف..تخليها ماتقدر تملكهم ..
ولا فيه أم بالدنيا تقسى وتقدر تترك ضناااااها ..الله كتب لها كذا وهذا ابتلاء ماهو للشماته....
.
أخواتي فيه بعض الردود جرحتني وجرحت الكثير هنا وأنا أحلف يمين إن فيه البعض تسببتوا بذرف دموعها..وأنا منهم ... كفاية الدنيا لعبت فينا ونرجع نقرا ردود تفتح جرووح نحاول نغطيها ونمشي حياتنا عشان نعيش .
الله المستعان.

18 تعليق 2,971 مشاهدة

شاركي في النقاش

سجلي الدخول لإضافة تعليق.

التعليقات

16
  1. @la_tzaalony

    والله حتى انا استغربت انه ام تترك اطفالها مستحيييل مهما كانت هي ام قلبها يحن على اطفالها لكن الظروف اجبرتها الله يجمع كل ام باطفالها ولا يفرقنا عن اطفالنا واحبابنا الله يصبر قلبك تاثرت لك والله 😢😢
  2. @nadine_abdulaziz

    حقها الأم تتزوج بعد طلاقها إذا مافيها تعيش بدون رجل بحياتها
    ومافي مشكلة تتركهم عند أبوهم إذا كان إنسان طبيعي وسوي لحتى يربيهم وتشوفهم بين فترة وفترة
    بس إذا كان الأب إنسان عاطل وبلا أخلاق ماتتركهم
    حقهم عليها تربيهم لحتى يكبروا خاصة إذا بيناتهم رضيع
    وبحالة كانت تاركيتهم مجبورة ماحدا رح يلومها إذا تزوجت
    بس نحنا منلوم اللي بيكونوا أولادها معها وترميهم وتتزوج نكاية بزوجها
    والله يجمع كل أم محرومة بأولادها
  3. @knt_sghyrh

    في نقطه بالموضوع خلت البنات ينتقدون الام ..الام رافضه تشوف البنات يعني من جد تركتهم ..كل موضوع وله ظروفه اعتقد حتى انتي ماراح ترضين ان في ام يكون كبريائها اكبر من حبها لاطفالها ..محد ينتقد زواج الام بعد الطلاق بس كان الانتقاد ليش الام ماتشوف اطفالها ليش تقطعهم بالكامل وش ذنب الاطفال اذا ابوهم سيء يعني هي الحين طلعت احسن منه كلهم زي بعض بموضوع قسوه انقسمو البنات في الي ينتقد الام وفي الي ينتقد الاب والحقيقه انهم كلهم غلطانيبن ..يااحبيبتي ﻻ تزعلي وﻻ تتحسسي لكل قصه ظروفها ومو كل ام تطلقت وتزوحت يعني ظالمه بس الظلم انك ماتحن لاطفالك اش ذنبهم اقلها لو يوم بالاسبوع تشوفهم وتحن عليهم يسوى الدنيا كلها .
  4. @miss_a_lemon

    انا مااستغربت ان في ام تترك عيالها لان في ظروف ساعات تجبر الواحد يسوي اشياء غصبا عنه بس شتسوين بالناس ذولا كل وحده ربي مسخر لها زوجهها واهلها والظروف وعايشه مع عيالها ومرتاحه وجايه تتفلسف هنا ومسويه انا العاقله اللي مافي مني اثنين كان هالشي شطاره منها مادرت ان كل شي بيد رب العالمين هو اللي جامعها هي وعيالها وبنفس الوقت كاتب ع غيرها تفارق عيالها حبيبتي يحقلك تتحسبين عليهم عشان الوحده قبل تلوم احد وتزيد على همه هم تمسك لسانها قبل تجيها دعوه تضيعها هي وعيالها وتعرف وقتها تحس بغيرها او ع الاقل تمسك لسانها عنهم وتفكهم شرها الله يسعد قلبك ويجمعك بعيالك ولايحرم ام من عيالها