الرجاء من كل وحده في قلبها رحمه تدخل هنا .. ابي الكل ينتبه لهالشي تكفون تكفووووووون

السلام عليكم ورحمة الله وبركاته
ارجو من المشرفات عدم نقل او حذف موضوعي للاهميه
كيفكم بنات؟
بدخل لكم بالموضوع ع طول
ياليت اي وحده منكم تشوف طفل او طفله من ذوي الاحتياجات الخاصه تحاول ماتجرحه ولاتتكلم معاه بشي يجرحه ،، تدعين له ادعي بينك وبين نفسك مو لازم تسمعين الطفل دعوتك!!
عندك كلام ايجابي قوليه وارفعي معنوياته وتاخذي اجر .. ماعندك لاتتفلسفي وتجرحيه والله حراااام وربي حرام
- انا عندي طفله من الاحتياجات الخاصه هي تفهم وكل شي الحمدلله ولكن ماتمشي واليوم وديتها لحضانة العاب وهي متعوده ع المكان وتحبه بأحد المولات تلعب وتغير جو وكانت مره متحمسه للطلعه وتركتها مع عاملتها تلعب وطلعت اخلص كم شغله من المحل اللي جنبه الا يتصلون علي تعالي بسرعه بنتك تبكي مرره..
تدرون وش قالت لي بنتي يوم جيتها،، قالت بطلع خلاص انسدت نفسي العب انا تعبانه وماراح استطيع امشي وتبكي بقوووه سالتها شفيك؟؟ قالت جتني حرمه وقالت لي ي حرااااام ماتقدري تمشي لازم تسوي عمليه عشان تمشي ي حرام،، وبنتي تبكي وتتراجف خايفه من العمليه وتدعي ع الحرمه تقول ربي يدخلها النار انا ماحبها كرهتني العب،، وكلام كثير يقطع القلب غير الاطفال اللي رفضو يلعبون معها لانها ماتمشي


بفهم شي واحد انا الحين ،،
هي لما قالت كذا وش تبي الطفله ترد يعني وش تنتظر منها تجرحها كذا وتمشي ولا همها وش خلت بقلب الطفله ولاهمها الجرح اللي بيبقى بنفس الطفله عمرها كله ..
ماتدري عن ظروف الناس ولا عن الطفله وش كثر عانت سويت لها اكثر من عمليه بطفلتي لحد ماتعبت نفسيتها ولما بدت تتحسن نفسيتها تجي الحرمه ذي وتلعب بنفسيتها ليششش؟؟
وش ذنبها بفهم؟؟
ليش قلوب بعض الاوادم كذا والله تعبت انا اكثر من بنتي
مو اول مره احد يقولها كذا ماتروح لمكان او تلعب الا تجيها حرمه وتقولها الله يشفيك الله يشفيك تعقدت بنتي تقول انا مو تعبانه ليش يقولون لي الله يشفيك!!!
طفله تراهااااااااا حسو شوي
والله تعبت وانا اهديها اليوم
لعبتو بنفسيتها اتقو الله ترمون كلمه وتروحون مو عارفين وش اثرها ع الطفل
يكفي انه يعاني وهو يشوف الاطفال يلعبون وهو لا مو كل لعبه يقدر يلعبها
يكفي احساسه بالعجز وهو طفل مايقدر يتحمل هذا كله بقلبه تجين انتي وتزيدينه ليييييشششش ،،
عندك شي قوليه لامه الطفل ماله دخل يسمع هالكلام حرام عليكم
وربي بنتي قطعت قلبي اليوم تبكي وتتراجف وخربت طلعتها كلها وهي نايمه الحين جالسه تبكي وتتحلم..
اعذروني كلامي ملخبط بس والله مضايقه مرررره
ماخافت ربي يبلاها باطفالها وهي تجرح طفله كذا
حسبي الله ونعم الوكيل

56 تعليق 8,483 مشاهدة

شاركي في النقاش

سجلي الدخول لإضافة تعليق.

التعليقات

55
  1. @knt_sghyrh

    ﻻحول وﻻ قوة الا بالله الناس الي زي كذا تقط كلام وماتحس بالي تقوله يمكن هي ماتقصد بس الطفل يحس طفل ذوي الاحتياجات الخاصه عامله زيه زي اي طفل بعض الناس يلاحقون الطفل بنظراتهم وبعضهم بشفقتهم الزايده اتركو الطفل بحاله اذا بتكلمونه كلموه مع الاطفال ﻻ تخصونه بنظره شفقه وﻻ سؤال عن وضعه ..الناس ينقصها التوعيه بعصهم يعتقد انه بكذا يفرح الطفل وهو العكس يؤذيه ..ربي يخلي لك بنوتك ويحفظها يارب
  2. @ghlak_yakbrh

    صاحبة الموضوع
    كنت صغيره
    ﻻحول وﻻ قوة الا بالله الناس الي زي كذا تقط كلام وماتحس بالي تقوله يمكن هي ماتقصد بس الطفل يحس طفل ذوي الاحتياجات الخاصه عامله زيه زي اي طفل بعض الناس يلاحقون الطفل بنظراتهم وبعضهم بشفقتهم الزايده اتركو الطفل بحاله اذا بتكلمونه كلموه مع…
    يمكن هي ماقصدها شي انا عارفه بس من جدها تقول لطفله سوي عمليه ،، بنتي تفهم كل شي وحسااسه مره ماتحب احد ينقص من قدراتها تحب دايما التشجيع وتعامل مثلها مثل الاطفال،، وربي نظرات الناس لحالها تذبح ماروح مكان الا يتلفتون وراحمينها ليش طيب هذا قضاء ربي والحمدلله ليش كذاااا عقلياتهم مررررره اتعبوها والله خايفه عليها تجيها حاله نفسيه او حالتها تزيد سوء 😭
  3. ياعمري
    هذي اكيد انسانه مو مسويه أو مريضه نفسيا لأن تصرفها ابدا مو تصرف شخص عاقل حسبي الله ونعم الوكيل فيها

    وانا معاك فعلا أي طفل من ذوي الاحتياجات الخاصه المفروض حتى لو حزنا عليه ندعيله في داخل قلبنا مانسمعه ونحوه

    يااختي حتى اللي تتأخر بالحمل تجيك وحده وتدعيلها وسط مجلس الحريم على بالها سوت خير وهي جرحتها وكسرتها

    العينات هذي وقحه وملياااانه في كل مكان
    الحل حااااااولي تقوي شخصية بنتك علميها الثقه بالنفس وعلميها ترد ردود حكيمه طوري شخصيتها ونمي مواهبها عشان تعرف قدر نفسها ومااحد يهزها
  4. @ghlak_yakbrh

    صاحبة الموضوع
    ريحة مطررر
    ياعمري هذي اكيد انسانه مو مسويه أو مريضه نفسيا لأن تصرفها ابدا مو تصرف شخص عاقل حسبي الله ونعم الوكيل فيها وانا معاك فعلا أي طفل من ذوي الاحتياجات الخاصه المفروض حتى لو حزنا عليه ندعيله في داخل قلبنا مانسمعه ونحوه يااختي حتى اللي تتأخر …
    فعلا صادقه الشخص عارف مشكلته لاتزيدي عليه شي يقهر وربي .. عجزت اقوي شخصيتها ابيها ترد ماقدرت مررره محطمه من الداخل من اللي تسمعه منهم صارت تقارن نفسها بينها وبين الاطفال ليش هم يقدرون انا لا .. تسالني اساله مالاقي اجابه لها ،، دايما تقولي انا ادعي ربي بس هو ماخلاني امشي متى بيخليني .. ليش اللي اصغر مني قدرو .. شي يتعب نفسيتي قبلهاااا حتى لاجا مطر راحت تدعي تقول انتي تقولي المطر ربي يسمعنا ويخليني امشي وانا للحين مامشيت 😭😭😭😭😭😭😭

تابعي تجارب أخرى من هذا القسم.