السلام عليكم ورحمة الله
مشكلتي ولدي عمره ٨سنوات عصبي جدا بالبيت ومع اخوانه لكن عكس ذالك
بالمدرسة ولمن أكون مو موجده يلعب بهدوء ويسمع الكلام
لكن لما أكون موجوده على طول يتهاوش مع اخوانه ويصارخ عليهم وإذا مانفذت كلامه على طول يبكي
واغلب شي لما احد يتكلم معاه مو جري
ياليت تعطوني طريقه تقوي شخصيته
شاركي في النقاش
سجلي الدخول لإضافة تعليق.
التعليقات
7- اذا يتعمد يعصب قدامك اتوقع يبي يلفت انتباهك له
احضنيه كلميه العبي معه ولا تعصبين عليه قدر المستطاع والله يهدي باله ويحفظه - امين يارب تسلمين
والله يعطينا طولت البال - اجلسي معه وتكلمي
كأنك تكلمي رجل كبير عاقل
فهميه أنه بكرك وأنك تعتمدي عليه وهو سندك بعد الله
خليه يستشعر المسؤولية ناحيتك وناحية أخوانه
فهميه أن العصبية ماتنفع مع كثير من الناس وأن التفاهم والحوار يقربهم من بعض..
أنا ولدي أصغر من ولدك ومتعوده حتى لو مافهم لكن أخاطبه ونتكلم ونعطي أمثله صح وخطأ من واقع المحيطين..
ولدك كبير ويفهم بس قربيه منك وخليه يدك اليمين
ويارب يصلحه . - تسلمين يااختي
كلامك جميل تبارك الرحمن والله يصلح ولدك وولدي - اعطيه من وقتك ورواقتك .... تعاملي معه بهدوء قد ما تقدري دايم ركزي على حسناته وخصوصا قدام ابوه واخوانه يعني لاتنتقديه قدامهم
و في وقت هدوءه تكلمي معه عن التصرف اللي ما تحبيه فيه وان ودك يكون احسن وحاولي تعطيه طريقه كيف يتصرف بدون عصبيه وممكن تكلميه عن العقاب اذا استمر لأنه كبير ماشاء الله وبيفهم
مواضيع مشابهة
تابعي تجارب أخرى من هذا القسم.