شاركي في النقاش

سجلي الدخول لإضافة تعليق.

التعليقات

15
  1. @alrym_allaaob_1

    مو شي ضروري ياختي اهم شي يكون شاطر في دراسته بعض الصحبة ما وراهم الا ضياع خصوصا في هالعمر لا تحسسينه ان هالشي فيه نقص او غلط عادي جداً انا كنت كذا ماعررف اكون علاقات جديدة وخجولة بس شاطرك فالدراسة والحمد لله كبرت وتغيرت واهم شي دراستي نجحت فيها وكونت نفسي علشان كذا ماعليك ركزي على مستقبله هذي مرحلة وبتعدي
    الله يحفظه لك و يصلحه ويعصمه من اصحاب السو
  2. @hnan_almagd

    الله يعينك قلب الام لابد يوجعها على ولدها لاتقلقي اتوقع مرحله في العمر وتروح مثلا اخوي مدرس وعنده ولد في نفس المدرسه يقول اخوي مره حصلته الفسحه وحده ماعنده اصحاب حزنت عليه مادري احس الاجهزه تسبب عزله بس لاتشدي عليه ودخلي في راسه انت وحيد هي فترة مراهقه والاصحاب ينغلقون على بعض عشان كذا مولاقي احد يصاحبه وان شاء الله ماتنتهي السنه الا ولقي له صديق بس صدقيني الي تشد في تربيتها على ابناءها منذ الصغر لاتروح ولاتجي ولاتخليه يطلع مع اصحابه لابد اذا كبر يكون فيه نوع من الانطوائي
  3. ياحبيبتي انتي والله حسيت فيك والله الهم اللي نشيله على أولادنا مايعلم به الا الله..ادعي له في صلاتك بالصحبة الصالحة انا عكسك الكبير يعتبر مقبول إجتماعيا ومحبوب من عماته بينما اللي اصغر منه للاسف محد يعطيه وجه بسبب اخلاقه وعصبيته..خليها على الله وانا أختك..الله يصلحهم جميعا ويرزقني وإياهم صحبة خير
  4. @tolan_1

    اهم شي الثقة بالنفس مو لازم يصير عنده أصدقاء وخليه يحشر نفسه ويتفشل ويتعلم شوي شوي الان احسن مما وهو كبير خليه ينضج ولا تحمينه حماية مفرطة لا للتعليقات اسلبية مثلا لا تحرج نفسك او الي مايبيك لا تبيه
    بالنسبة للثقة بالنفس لازم يكون عنده هواية يحبها ويمارسها ويقضي وقته فيها ولازم ينجز شي في حياته مثلا عطيه مهام بسيطة وامدحيه اذا أنجزها وزيدي مستوى المهام شوي شوي

تابعي تجارب أخرى من هذا القسم.