أحلامكم وقصصكم مع الموتى غفر الله لنا ولهم...للعظه...!!/ قديم

اللهم اغفر للمسلمين والمسلمات الأحياااء منهم والأموااات وتجاوز عنهم انك على كل شيء قدير

السلام عليكم
أبوي قبل يموت صار كل بين فترة وفترة يصير له مرض معين مرة ترتفع حرارته ومرة يطول ماياكل المهم بعد فترة صار ينادي أمه يقول يمه يمه يايمه وهو منسدح وكأنه يشوف أحد قدامه ومرات هو جالس يقول يمه كأنه يشوف أمه قدامه و أمه ميتة من سنييييييييين طويلة وبعدها مرض أبوي وتنوم بالمستشفى وأخذ فترة ومات أول ماجاني خبر موته ماحزنت عادي الوضع عندي ولا كأن أحد مات أمشي كأني مخدرة ولاطلعت ولادمعة مني يوم جاء الليل بنفس اليوم إلي مات فيه كنت قاعدة بغرفتي وسمعت صوته يناديني وصوته صادر من نفس مكانه إلي دايم يجلس فيه بالبيت رديت عليه ورحت أركض بشوف وش يبي وصلت مكانه ولقيته فاضي مافيه أحد تذكرت إنه مات اليوم وحسيت بقهر المهم نمت وجاء الصبح ولاصار شي ولاتأثرت يوم جاء الظهر سمعته ينادي جاوبته ورحت أركض بروح له وصلت مصدر الصوت ولالقيته وتذكرت إنه ميت وقعدت على هالوضع يمكن أسبوع أسمعه يناديني وأرد عليه وأقوم أدوره والا ألقاه بعد أسبوع تقريبا أستوعبت إن أبوي مات الله يرحمه وقمت أبكي وتنهمر دموعي بغزارة يارب ترحم أبوي وتسكنه الفردوس الأعلى
لي موقف ثاني يخص أبوي بعد موته بسنتين تقريبا بكتبها لكم وقت آخر

موضوع مؤثر جدا

الله يرحم جدتي دايم اشوفها بحال جيد مره تتكحل و مره عنده فواكه
الله يرحمه ويرحم موتى المسلمين ويجمعنا به بالجنة