السلام عليكم ورحمه الله وبركاته
يابنات حواء عندي صديقه عزيزه علي مره وعندها مشكله بسيطه باذن الله ونبي مشورتكم
طبعا قصه صديقتي متزوجه من 7 شهور زوجها يصير ولد جيرانهم لمحها وعجبته وصار النصيب ومسكنها بشقه فوق بيت اهله وقريب من أهلها بس زوجها شغال بمدرسه بمنطقه بعيده ويجي فقط الجمعه والسبت والفجر يروح للديره الي يدرس فيها
أساس المشكله انه خواتها وامها غالب الأيام يزورونها بحكم قرب البيوت من بعض وهي شبه يوميا تزورهم بس متعودين جمعه وسبت غالب الأحيان يسهرون معاها وزوجها يكون جاي هاليومين يبي يقعد مع زوجته تقول انا تعبت كثير مو عارفه وش اسوي مااقدر اطرد امي واختي ولا اقدر اطنش انزعاج زوجي لانه أهلها يسهرون معاها لين ال2 او 1 خلاص ضاع الوقت والرجال يبي يجلس مع زوجته وانا قلت لها جربي مره روحي انتي لهم اجلسي ساعه وارجعي شقتك وسوت هالحل وللأسف لما جات بترجع لبسو وجو معاها وكملو السهره بشقتها وهي مره محتاره تبي حل تفهم أمها واختها انه مايسهرون الي هالوقت او جمعه وسبت علي الأقل لزوجها مايصير يجون ويسهرون ياريت تعطونا حلول مقنعه بدون لا تزعل أهلها وانا بنسخ الرابط لها واعرفكم ماتقصرون
شاركي في النقاش
سجلي الدخول لإضافة تعليق.
التعليقات
16- تكون صريحه معهم تقولهم بجلس مع زوجي
يعني هم ماشاء الله طول الاسبوع عندها والمفروض بوجود زوجها مايروحون عشان تاهذ راحتها - المفروض امها وأختها يفهمون !!!!!
بس تكلمهم بكل صراحة - حبيبتي أما تقولهم بصراحة انها تبغى وقت مع زوجها أو تتفق مع زوجها تروح عنده أهلها ويجي ياخذها وتقولهم معليش طالعة مع زوجي لحالنا ومرة بعد مرة يتعودو على الموضوع ويفهموه
اتمنى اكون افدتك - المفروض علاقة البنت بأمها تكون قويه والأم تفهم وش تبي بنتها والله استغرب ان يكون حيا بين الأم وبنتها انا امي هي اللي تعرف عني اكثر من نفسي من يجي زوجي بيت اهلي اشرت للكل يطلعون من الغرفه حتى اذا جت تزورني لازم تتصل وتشوف الوقت المناسب شكل صديقتك تخاف من امها يعني امها مصيطره عليها وهذا مهوب بر والحل البنت تقول لأمها زوجي يبي يجلس معي لحالنا بكل صراحه
- اووووووووف.موقفها صعب وايد
مواضيع مشابهة
تابعي تجارب أخرى من هذا القسم.