محتاره شورو علي
السلام عليكم اللي كانو معي بتجمع يناير وفبراير اكيد عارفين قصتي وقصة بنتي للحين با العنايه المركزه كملت شهرين با الحبيب التخصصي قبل ثلاث اسابيع تقريبا تحسنت حالتها وشالو الاكسجين صار فقط خفيف با الحضانه وقالو طلعتها قريب ان شاء الله لكن اخذت يومين وانتكست حالتها ماتحملت لكن الحمدلله على كل حال خلص التامين ووقعها على سند ب 100 الف وقدمنا اوراق للتامين عشان يغطيها ولنا اسبوعين نحاول ننقلها العسكري المهم ثلاث مرات نقدم طلب ويرفض السبب لانهم ماتابعو الحاله من البدايه يوم الاحد رحت اشوف بنتي واجهتني دكتوره قالت سمعنا العسكري رافض لكن قدمو اوراقكم لوزارة الصحه تصير على حساب الحكومه علاجها عندها عشان ترتاحون نفسيا من ضغط المبالغ ونحنا نقدر نكمل فحوصاتنا المهم اشتغلنا على الموضوع هذا الاثنين والثلاثا والاربعا اليوم با اوراقنا واليوم خبرونا الحبيب ان فيه موافقه مبدئيه من العسكري انا هينا احترت ولا عاد ادري اكمل با اوراقنا ونخليها با الحبيب ع الدوله ولا ننقلها ولا ايش اسوي بصراحه انا ما ابي انقلها واخرب متابعة الحبيب لها وبتفس الوقت اخاف الوزاره ترفض لان العسكري وافق حوووسه وتعب وتفكير وحيره استخرت لربي والله يكتب اللي فيه الخير وابي شوركم ودعواااااااااااااتكم لبنتي الله يشفيها الشفاء التام الغير ناقص ويعجل بخروجها سالمه معافاه عاجلا غير اجل ويكمل فرحتي فيه بحاجة دعواتكم واللي تقرا ولا عندها رد اكتفي بدعوتك لطفلتي بظهر الغيب