صديقتي وزوجي وش الحل ؟؟؟؟

المفروض هذي اسرار بيتك ماتطلع تكلمي معها في اي شي الا زوجك ياما بيوت انخربت والسبب ان اسرار البيت تطلع وخصوصا الاشياء الي بينك وبين زوجك

انصحك ياعسل انك ماترضي اي سبه او هرجه عن زوجك منها حتي هي تمسك حدودها لو انتي دفعتي عنه وقولي انا ماارضي اي هرجه عن زوجي اذا تحبني وتحترميني كصديقة لاتجبي سيرت زوجي
واذا هي تحبك ارح تبتعد عن الشي الي يزعلك والله يوفقك ويهديها صديقتك

طنشي حتى اذا قالت كلام يدخل من الاذن اليمنى ويطلع مع اليسرى لاتحطين كلامها في بالك

انا مااسولف عن زوجي عند احد .. ولا عمري جبت سيرته لابخير ولا بشر .. مااتخيل نفسي اسولف عنه .. خصوصا عند صديقاتي .. الحمد لله ..
اصلا حتى امي مااسولف لها عنه .. ولا احد .. وكلهم نظرتهم لزوجي .. حلوه .. ويحترموونه اقصد اهلي واهله ..
لان عمري ماشكيت لاحد عنه ..
وهذا مو دليل انو ماتصير بينا مشاكل الا تصير .. نتهاوش ونتزاعل .. وتصير بينا امور .. واختلافات زي كل الناس .. لكن حنا متعودين انا وهو انو وش ماصار مستحيل الناس تدري وش يصير بينا..
نتزاعل ونرضى .. مادام محترمين بعضنا .. والخلافات تصير عند كل الناس..
الحين لو صارت مشكله .. وانتي زعلانه .وعلمتي امك او ختك .. وزوجي سوا وفعل وقال وتكلم علي وفيه ومافيه .وتجلسين تحشين فيه لانك زعلانه طبعا ..
ومن بكرا انتي وزوجك رضيتوو ع طول ونسيتي المشكله ورجعتو سمن ع عسل .. وجيتي بعدين عند امك مثلا سولفتي عن زوجك و مدحتيه بشي .. تجي امك تقول ايه مو هذا زوجك اللي قال وفعل وسوا .. .. امك اهلك اخواتك صديقاتك ماراح ينسون اللي سواه زوجك .. او المشاكل اللي صارت بينكم ويجلسون يذكرونك فيها .. وحتى صورة زوجك راح تخرب قدامهم .. وتندمين وتتمنين انك مافتحي فمك عندهم .. لان انتي وزوجك تنسون اللي صار ..لكن الناس ماتنسى .. علشان كذا من اول ماتزوجت .. وانا حاطه ببالي هالقاعده .. مادام امورك وخلافاتك مع زوجك بسيطه ومشاكل عاديه ( مش الضرب والاهانه والمشاكل الكبيره مثل الخيانه والادمان ووو )) لا اقصد الخلافات العاديه ..
ليش تسولفينها لناس وتشكين لهم .. الحمد لله انا مرتاحه نفسيا .. والناس يحترموننا .. ولا فتحت على نفسي باب انو احد يعرف اسرارنا ومشاكلنا ..
احيانا سلفتي تجي تشكي من زوجها انه مقصر وكذا احيانا اشوفه انا غلطان لكن مستحيل أحرضها ع زوجها دايما اهديها وانصحها .. ماازيدها هم فوق همها .. والقاها نست المشكله .. لكن لو شيشتها وزدت عليها بتروح من عندي .. وتتمشكل معه ..
الناس لو شكيتي لهم .. محد راح يعرف زوجك اكثر منك ... والكل بيفسر على هواه .. وكلن بتقيس على حياتها وزوجها .. مثل لما زوجك يتاخر برا .. وانتي عارفه انه عند اخوانه او يشوف مباراة او او .. فهي بتقيس ع زوجها .. وبتقولك اي الرجال كلهم راعين خرابيط.. وماتأخر الا اكيد وراه بلا .. وتجي تحشي راسك .. من هالحكي .. وانتي لا اللي ارتحتي لما شكيتي لها ..
ولا اللي سلمتي من شرها حق بس اللي عبت راسك ع زوجك ..


انتي يالزوجه فقط اللي تعرفين زوجك .. وش يزعله وش يرضيه وهل هو رجل كويس ولا لا .. واشياء كثير انتي تعرفيها عن زوجك ..وعن اطباعه واخلاقه .. لاامك ولا اختك ولاصديقتك تعرفه اكثر منك ..فليش نفتح ع انفسنا باب ونخليهم يتدخلون بحياتنا ويفسرون الامور على هواهم ..

جزاك الله خير
كلامك روعة وعين العقل