سؤال عن المحاشي

انا فنانة محاشي 😎 وهاد رأي زوجي طبعا وكل أسبوع إلا يكون في يوم للمحاشي وطريقتي بتشهي بعطيكي طريقة الحشوة اول شي بنقع الرز وبتركه وبوخد اللحمه المفرومه واحط زيت بالمقلاه وبصل فرم ناعم كتير وبعده بحط اللحمه المفرومه واحوسه وبعده حبة بندوره صغيره وفلفل وبهارات وبطفي الغاز وبحط الخلطه عالرز وبملح وببهر وبفرم بقدونس فرم ناعم وسنين توم فرم ناعم وبحطه وزيت زيتون شوي هيك الخلطه جهزت وشوفي ريحتها بتشهي

انا الصراحه ما بستخدم ورق العنب الي بالمعلبات لأنه قاسي كتير وطعمه مو زاكي جربته ما عجبني بنوصي ورق العنب من الأردن والله طازج طري بشهي بحطوه بقناني تعات الببسي بعبوا القنينه ورق عنب بضله زي ما هو طري وبشهي وهلا وصينا عاربعه لرمضان هههههه المهم بس أخلص لف ورق العنب بهلوس ريش لحمه بالطنجرة وبحط شرائح بصل وبندوره بقاع الطنجرة وبصفط الدوالي وبحط عالوجه كمان شرائح بندوره وبحط مي طبعا المي بحط معها ملح وماجي شوفي ورق العنب حطي مي لتغمري ورق العنب بالزبط يعني نفس المستوى وبيقعد عالغاز ساعه بالزبط

أما الملفوف لا تغمري الطنجرة مي لأنه اصلا الملفوف بطلع مي يعني تركي قد نص الاصبع بدون مي

الله يعطيك العافيه شهيتيني

يعطيك الف الف عافيه ماقصرتي
وعندي سؤال اذا بحشي الكوسه والبطاطس بنفس الحشوه كيف اسلقها بعدين واضيف معجون والا كيف