نصيبي متوقف ماعرف السبب

السلام بنات
بنات وضعي طبيعي او لا
عمري ٢٨
مو ناقصني اي شي طبخ اعرف اطبخ
كشخه معروفه بالعائله كلها اني كشخه
صح شكلي عادي بس احسن من غيري بكثير
مع كل هذا ماعمري انخطبت لو مره
لو بالكلام
ليه نصيبي متوقف كذا
والله ان اللي كبري واللي اصغر من من العائله
وشلتي صديقاتي كلهم تزوجو وعندهم بعضهم
عيال الا انا لدرجة فقدت الامل
والمشكله اني اجتماعيه
اجتمع مع صديقاتي
اجتمع مع اقاربي
بس فيني عيب اذا جابو سيرة الزواج
اتكلم مثلا قدام صديقاتي او قدام اقاربي
اني مابي اي احد
ابي واحد راعي سفر وفله
فقللت ممكن ذا الشي مايخليهم يفكرون يخطبوني
وانا مو قصدي راعي سفر ٢٤ ساعه نسافر
لا قصدي كل اجازه صيف مثلا
لان لي اقارب محرىمات من السفر لهم عشر سنين
وعشان كذا قلت مابي اصير نفس الوضع
خاصه بالشي هذا لان احس ماباقي احد مايسافر
مادري مادري
والله نصيبي متوقف
بشكل ماحد يتخيله

16 تعليق 6,015 مشاهدة

شاركي في النقاش

سجلي الدخول لإضافة تعليق.

التعليقات

15
  1. @st_alstat_4

    رزقك بتاخذينه الي كتبه ربي بس فعلا الي تهايط ينفرون منها الناس اعرف وحده لبسها عادي بس تقول لا جاء العيد لازم اقضي بالاربعه الالاف والا مااحس بالعيد وانا مااحب الا الماركات وابغى اسافر والطبخ ماحبه المطاعم مليانه البلد وو مع انها مسكينه تطبخ والله ان فيه ناس كانوا حاطين عينهم عليها لولدهم بس قالت بنتهم كلامها رفضوو وتركوها هذا الي عرفتهم يمكن فيه غيره راحوا يعني الوحده لا تهايط ولا تسوي نفسها انها مثاليه والرزق الي كاتبه ربي تأخذينه
  2. @shth91

    لا تقولين رزقك متوقف الحمد لله على كل حال وايد ربنا يرزقنا ب أشياء ما نحس بيها الا يوم نفقدها والحمدلله على كل حال..
    إذا على الخطبة انا بعد عمري 26 ولا انخطبت ولا مرة .. رغم ان شكلي الحمدلله بوايد احسن من غيري اللي من عمري و متزوجات .. بس تراها ارزاق .. الله كريم .. اكثري الدعاء و الصدقة بنية الزواج .. وان شاء الله ربي يرزقج بالزوج الصالح وانا و ياك😋😋 .. و نصيحة استمتعي ب حياتك وبكل شي حلو فيها طلعي و استانسي ولا تخلين الزواج محور حياتك .. صح شي طبيعي كل بنت تبي تتزوج وانا مثلك بس هذا شي مب بيدنا و لما ربنا يكتب لنا راح يصير 🤗
  3. @loloh_alaanzy

    حبيبتي اصلاً عيب الوحده تتكلم بهذي الأمور قدام الناس حتى لو اقاربها ابي واحد كذا وابي واحد كذا فيه شي اسمه حيا والله لو اشوف وحده تتكلم بهالطريقه ما اخذها لولدي او اخوي لو انها ملكة جمال العالم لو انها اشطر طباخه وكل المواصفات الجميله فيها بس تفتقد الحيا ماراح افكر فيها كزوجه لشخص عزيز علي وانا ما اقول انك قليلة حيا لا واضح انك على نياتك بس بعض الناس ينظرون لك هالنظره وبالذات ان مجتمعنا مجتمع ناقد في الغالب ومعروف كل بنت تتمنى تتزوج واحد فله وراعي سفر وكريم والخ بس مايسولفون امنياتهم بقلوبهم واذا جاها شخص زين حتى لو مو راعي سفر يتنازلون عن امنياتهم ويوافقون اهم شي التوفيق وبالأخير قليل اللي يتزوجون شخص مثل مايتمنون كثير قدموا تنازلات عشان بس يتزوجون ونسوا احلام اليقظه عشان كذا ياقلبي انصحك تمسكين لسانك شوي عن هالسوالف والزمي سورة البقره مع كثرة الاستغفار والصلاة على النبي وكرري ياذا الجلال والاكرام اكرمني بكل وقت وبتشوفين خير باذن الله

تابعي تجارب أخرى من هذا القسم.