مساء الخير يالغاليات اشتقت لكم
غالياتي زواجي الثاني خاب ظني فيه
توظفت وانا معلمه وزوجي ظابط المهم انا عندي زوجي غامض بعض الشي يعني مايسولف ساكت وانا اسكت وانقهر في نفسي طبعا عندي عاده في نفسي لما اكون محتاجه فلوس ما اقدر اقوله اذا ما اعطاني بنفسه والا لا ولو اموت مايعطيني الا لما اقوله طبعا زوجي حاله الماديه زينه وانا معلمه في اهليه وراتبي 5600 يادوب اعطي امي ٣٠٠٠ منه وادفع اقساط ولدي مدرسته واحيانا عروس وعزايم تجهيزات المهم زوجي شايل بنفسه ليه اعطي امي ٣٠٠٠ يشوفها كثيره طبعا امي انا الوحيده اللي اعرف وش قد حاجتها للريال طبعا انا والله يابنات اجيب لخالتي امه واعطيها لكن هو ابد مايسأل عن امي ابداً
وعاد اقولكم احيانا ينقطع جوالي شحن واتصل علي ومارديت ولا شفت الاتصال ارسلت له ماعندي رصيد اتصل عليك
تحسبونه قال بجيب لها شحن والا شي لا
مع انه ظابط ورتبته زينه وقطاع ممتاز لكن ولاشي
كل شهر يحول لامه ١٠٠٠ ويعطي اهله وخواته ويطلبونه خواتي لاقربنا نسافر عندهم وبالعكس انا احثه ع انه يهتم فيهم وجاب لهم شغاله ويعطي اخوانه ثنين مو متوظفين
وانا ولا عمره اعطاني شي وقلت له متى تهديني ولما مررره جاب لي عطرين من بودي شوب بقيمة٩٩ ريال
حز بخاطري انه مايلتفت لي وانا حامل الحين وتعبانه نفسيتي ومره اتفقت معه يطلعنا نتغدا برا بعد الدوام وقال طيب وجاء وطلبنا اكل وماتغدا معنا اثاريه متغدي مع زملاه وكل بعد مغرب يطلع مع زملاه ويعزمهم عندي وقسم بالله مالقيت جلسه زينه معه ياتعبانزمن دوام ونايم ياطالع وخالتي مره اتصلت عليه تسولف معه عن دوام وزملائه ويعلمها وانا مايعلمني شي قال ايش اسرار عمل اسرار عمل عندي يعني شايفني انسانه ابرربر والحين انا متسلفه من اختي فلوس لاني ابغى اغراض وملابس لدوامي☹️
تعبت وانا افهمه واعلمه معيي يفهم ويحاول يتسفزني واتهاوش معه لين كرهته ارشدوني انا تعبانه اربع مرات تنومت حالتي الصحيه دما
شاركي في النقاش
سجلي الدخول لإضافة تعليق.
التعليقات
56- ماراح نقول شي في المبلغ الي تعطينه أمك والمفروض مايعرف عنه لكن اطلبي منه مباشرة بدون تلميح حاولي الان لانه كل ماتاخرتي كل ماصعب الموضو
- ربي يسخره لك ويحنن قلبه عليك
- اشوف دام انه يصرف على امه واخوانه الاثنين و ماشاء الله قايم بالبيت
خلاص 5600 المفروض تكفيك شهرياً اوكي قولي يصفى لك 2600 قووولي يبقى 100 صافي
مو شرط كل شهر تخلصينها ولاهو شرط كل العروس والحفلات والعزايم لها تكاليف زايده كل شهر
وجهة نظري اتوقع لو اني مكانك ممكن اصرف نفسي لنهاية الشهر
سالفة انه ما شحن لك يمكن يشوفك مبذره او نسى او ما قصده او او او عادي التمسي العذر مره - مالك الاالدعاء ..وانتبهي يتدخل براتبك وعطي امك ولاتقطعين عنه ....هووحقير يبي الخير لاهله وانتي لا ....معليك منه وطالبيه كل شهر واستعجلتي بالحمل
- بكلمك بصراحه انتي تزوجتي واحين مسؤوله عن بيتك مو عن بيت اهلك مو غلط تساعدي اهلك وامك بس بقدر المعقول م ينفع تعطيها راتبك واخر شي تتسلفي وبعدين م فيها شي لو طلبتي زوجج فلوس هو المسؤول عنج وهو اكيد معطي ف باله انك م محتاجه لانه عندك راتب مثلا اعطي امج 1500 والباقي خليه لك او اطلبيه كذا راح تعودي زوجج م يصرف عليج وراح يشيل المصاريف من باله وبيحطها كلها عليج من البدايه قوليله محتاجه وعطني والا هات الشي الفلاني محتاجتنه لا تعوديه م يصرف عليج
مواضيع مشابهة
تابعي تجارب أخرى من هذا القسم.