بنتي تفضحني عند ابوها

يا وَيْل حاااالي 😭
بنتي عمرها سنتين ونص مره كنّا طالعين مع زوجي نزل من السياره ودخل محل عاد بنتي ملقوفه من ينزل ابوها من السياره تجي تجلس مكان ابوها وتحوس وتخرب المهم ان زوجي كان ف المحل واقف مع الرجال صاحب المحل قلت لها شوفي بابا وش يسوي مع الرجال خلاص مسكت هالكلمه وخزنتها عندها الحين الله يصلحها والله كلما ابوها جاء من برى تقول لي ماما الرجال وش يسوي 😤😤😤وتعيده كم مره تروح عند ابوها تقول الرجال وش يسوي اول ماكان يدقق بس يوم شافها تعيد كل مره قام يدقق هو كان يحسب انها تقصد شي ثاني بس قال لها قولي رجال نطقتها نفس الكلمه هنا زوجي قلب وجهه قال في احد جاء عندنا قلت لا قلت له الموقف اللي صار وقمت سألت بنتي وين الرجال اشرت على الشارع من الشباك بس ماتابت لين الحين تقول هالكلمه صار كل مره زوجي يسألني مين جاء وش الحل معها والله انها دخلت الشك والوسواس بيننا الله يصلحها وينسيها هالكلمه