للاسف أمي جوعانة

ممكن تسويلها فطيرة مع التمر و القهوة الصباح وفتة دخن على العشاء يعني الأكلات الشعبية الي هي متعودة عليها يعني سهله و أطفالك خلي لهم غرفتهم الخاصة مع تلفزيونها ياخذون راحتهم فيها و امك خلي لها غرف خاصة بعيد عن غرفة الأطفال و إذا تبغى تلفزيون حطيلها هي حرمه كبيرة ما تستحمل ازعاج أطفال و كبير السن يرجع زي الطفل تعصب و تخاصم يعني سايسيها و لا تاخذين على كلامها و شوفي اذا نفسها في أكله معينه تبغاها سويها

اولا ابيك تحطين كلامي قدام عينك دايما انت اولا بارك الله فيييك ماقصرت وكفيتي ووفيتي 😘
ثانيا كبار السن خليها قاعده عندك لهم نفسيه صععععبه مثل الطفل او اشد لازم تتأقلمين نفسك عليها
ثالثا كلامها عن اطفالك ماهو صحيح كل الاطفال لازم يبكوا ويتشاقوا وهي من ازعاجهم قالت هالكلام ولايمنع ان قدرتي تجمعينهم وتفهميهم ان جدتكم مريضه وما تحب الازعاااج لازم يتعاونوا معاااك ويساعدوك خليهم يخدموها هم باشياء بسيطه يجيبوا كاس مااااء وووو
رابعا حاولي تطلعيها وتونسيها بوقت فراغك ولا تطلعيها بجلسه بالحوش كان عندك لانها تتملل من حبسه البيت
خامسا زي ماقالوا الخوات سويلها مرقوق قرصان اي شي تقدري عليه ويكون من البر الحنطه
زوجك الله يعينك وهو كثر خيره حاولي توازني بين امورك
واخيرا تذكري هذي امك اي شي تقوله من سب او كلام طنشي لا تتحسسين هذا هم الكبار وغير كذا راح تسمعين من الناس برضوووو طناااش
اخيييرا جزاك الله خييير وكثر الله من امثااالك لاتنسين انت في جهاااد وتذكري انك تسوين شي موكثير من الناس يتحملووووه الله يحفظك ويسدد خطاااك

لا بالعكس ماقصرتي واكملي الطريق بالتفاني بالخدمه لها وزي ماقلت لك هي جهاد ويبيلها صبررر
كثر الله من امثالك

لو تشترين غنم وتخلينه عندك ويتكاثر
لو تتدينين ثمنه
ولا خذيلها ذبيحه بس اطبخيلها هي وانتوا كلوا اي شي
بيعي ذهبك وخذيلها ذبيحه هذي امك
اكيد ربي بيباركلك ويغنيك بعد ماتبريها

اول الغلط اللي انتي مسويته الاسم اللي حاطته لموضوعك وش امي جوعانه ؟ استحي من الله وخافي الله فيها ..الواضح انك غلطانه معها باشياءواجد والدليل من اول السالفه غلطتي بالكلام من وراها ثاني شي غصب عنك تدورين رضاها وغصب ترضينها وتراضينها ترى مو من طيبك لا هذا واجب ، احمدي ربك انها عايشه وعايشه عندك قدام عينك الله يحفظها ويحفظ امهاتنا .. انتي الفاهمه انتي اللي تقرين انتي اللي دوري الحل لاتحطين الغلط عليها والبزران حطيهم بغرفة مخصصه للالعاب عشان مايزعجونها واركضي ركض لرضاها هذي نصيحتي لش والسموحه لو كنت قاسيه .💙