وش رايكم ابوي رافضه؟؟

معليش هذا مو مبرر يخليك تتنازلين وتقبلين فيه..!

مو كل بنت ما انخطبت ترضى بأي واحد..

الشكل عمره ما كان مقياس لعلاقة زوجية سليمه..
شكله بتملين منه لاتعودتي عليه..! طيب وبعدين..؟

هو بياخذك واجهه اجتماعيه وماتدرين إيش حقيقته الغايبه..

إلي فيه طبع ما ينساه يلف يلف ويرجع له ضحك عليك بكلمتين هذا ياماما عنده دكتورا في الحريم يعرف خباياهم ومنين يدخل لهم وله خبرة كمان ، بالطبع يصارحك عشان ما يطلع كذاب بيوم من الأيام ويمثل عليك دور الندمان التائب وبعد زواجكم وبعد ما تجي الفاس بالراس وتنجبي كمان ويكثروا الضحايا إذا رجع لطبعه ولعب بذيله يصيركل اللوم عليك وهو ما عداه العيب ويدور لك الأسطوانه ويقول لك بنبرة تهديد " إسمعيني زين يا بنت الناس أنا صارحتك من الأول وماخبيت عنك شيء وماكذبت وعيبي ظهرته لك وإنت قبلتيني بعيوبي والله مارادلي التوبه عاجبك عاجبك مو عاجبك تعرفي بيت أهلك وإنت أهلك عارضتيهم وتزوجتيه يعني عارف أنه ملك سند من الأول فما يعملك حساب حيطه مايله يعني " نظرة الرجال بالرجال ما تخيب وزيدي الشيب إلي طلع براس أبوك ثمنه حكمة عمر فإسمعي كلام أبيك وخديه بمحمل جد ولا تخلي السكينه تسرقك مراية الحب عمياء حب الندامه هذا ولا تنسي الإستخاره .

والله انا انصحك ماتوافقين ولا تأخذين واحد زي كذا وبعدين البنات اللي بيعات أنفسهن برخيص يسونى شيء أنتِِ كرامتك ماتسمحلك تسوينه وبعدين راح يمارس نفس الشيء وأنتِ معه ويمكن يبليك بمرض الايدز لا سمح الله مو من قلت الرجال المحترمين اللي جابه يجيب غيره

ابدا ابدا ابدا ماانصحك بكره تندمين
لا رجع لوضعه بعدين لا تروحين تصيحين عند ابوك !


اولا كل الناس اجمعت انه شخص مو كويس
يعني ريحته فايحه على قولتهم
كيف ترضين لنفسك تزوجين واحد سمعته سيئه
بكره سمعته تلحقك وتلحق عيالك
غير انه مايعرف للرجال الا رجال مثله
ودام ابوك ماارتاح له هو ادرى منك

ويعني ايش ٢٦ ؟ توووك ورررده فأجمل مراحل العمر
كثير ماتزوجوا الا اكبر منك وعادي مافاتهم شي 😂💔

انتي استخيري بس اذا ابوك ماوافق ابدا ابدا لا توافقين لانه اذا رجع ابو طبيع لطبعه ماراح يلمك الا ابوووووك


بعدين ليش تغيرت عندنا مقايس الزواج كذا !
اذا الرسول يقول من رضيتم دينه وخلقه !
تجين انتي تقولين كل شي زين فيه بس سمعته ! يعني لا دين ولا خلق !
خلاص هو فقد الشي الاساسي للزواج
بس الامور انعكست عند البنات صار الشكل والمال اهم من الدين والخلق
وبعدها تجي تصيح لا استفادت لا من شكله ولا ماله

اما اصراراه عليك ياحبيبتي هذا واحد ريحته فايحه يعني تقولين الكل ذمه
مو اكتشفتوا بالصدفه او هو اعترفلكم
لا هذا الكل عارف سمعته ! يغني عارف وين يلقى وحده توافق عليه !
مو كل الاهل يرضون لولدهم يتزوج من برا لازم ام العيال تكون اصل وفصل وبعدها بكيفه يلعب يتزوج يسوي اللي يسويه للاسف