خدامتنا حسبي الله تعالي ساعدوني

صباح الخير جميلات ..


خدامتنا سريلانكية وشغلها كويس وامينة ولله الحمد
جتنا شعبان السنة الي فاتت لكن من شهر توفى ولدها وانهارت وقالت احجزو
لي ابي اروح شهر واجي ، راحت ومفروض تجي الثلاثاء الي هو قبل امس
ولا جت :(


اتصل عليها يردون ويسكرون بوجهي تعبت وانا اتصل او يعطوني مشغول !!
مع اني كلمتها مرة اول ما وصلت وقالت بجي !!
المهم الان تورطنا .. أخاف نقدم الأسبوع الجاي واتفاجا انها بعد فترة تتصل وتقول بجي !!


ابي اسالكم كيف الجوازات يتعاملون مع فيزتها الي حنا سوينا خروج وعودة ؟؟
واقامتها الي عندنا هل تقدر ترجع بعدين تشتغل وتطلع إقامة جديدة ؟
بشكل عام هل تتورط لما تجي مرة ثانية السعودية ولا تجي وتطلع كل شي عادي :(

45 تعليق 5,478 مشاهدة

شاركي في النقاش

سجلي الدخول لإضافة تعليق.

التعليقات

44
  1. @elham_6

    صاحبة الموضوع
    قاهرتني :( راحت وهي ما كملت سنة عندنا
    ولا اتصلت ولا اهتمت
  2. @elham_6

    صاحبة الموضوع

    المشاركة المقتبسة غير متاحة.

    على فكرة ترى ماقلت تتصل كل يوم
    قلت تتصل قبل تجي عشان تنسيقات وصولها
    واذا ماقدرت تجي حسب الحجز تتصل تقول لنا نتصرف

    وعلى فكرة اقري وافهمي الموضوع زين قبل تردين
    وبالنسبة للاجراءات حتى لو عرفتي ماراح تفيدين بالي تعرفينه
    طالما فهمك للموضوع مشوه !
  3. @hla_sdyr

    بحكم تعرضي لهالموقف عدة مرات مادام ماعادت ترد ماعندها نية ترجع
    استخيري وقدمي جديدة حتى تستغلين الوقت
    وما ابي أتهمها بالكذب بس احتمال لا فيه وفاة ولا عندها ولد خير شر بس تبي تسافر ومالقت الا هالحيلة
    مرت علي حالة عجيبة موتت كل أفراد عائلتها بالتدريج طبعا ومن ضمنهم الأم ومن كثر الكذبات نست مين من أفراد عائلتها ما زال على قيد الحياة ورجعت تقول ماما موت !!!
    للأسف معظمهم تقول بأرجع عشان تكرمونها أكثر وتغدقون عليها بالهدايا
    لو من البداية قالت ماراح ارجع بتخسر نسبة كبيرة من الهدايا هذا توقعهم
    مايدرون إننا نكرمهم لوجه الله
    من طيبك راعيتي ظرفها وربي بييسر أمرك ويعوضك خير
    بالنسبة لإجراءات تغيير الفيزا ماعندي فكرة
    بس هي تقدر ترجع عند كفيل ثاني بفيزا جديدة مادام ماعطيتوها خروج نهائي بدون عودة
  4. @elham_6

    صاحبة الموضوع
    حلا سدير
    بحكم تعرضي لهالموقف عدة مرات مادام ماعادت ترد ماعندها نية ترجع استخيري وقدمي جديدة حتى تستغلين الوقت وما ابي أتهمها بالكذب بس احتمال لا فيه وفاة ولا عندها ولد خير شر بس تبي تسافر ومالقت الا هالحيلة مرت علي حالة عجيبة موتت كل أفراد عائلتها …
    ياهلاوسهلا حلا ، الله يسعدك نورتي موضوعي
    وجدا افدتيني بردك ..

    انتي مثل رايك هو الي تقوله ميمتي الله يخليها
    تقول نحاول قبل رمضان لكن الي خلاني مترددة اني اخاف
    اقدم هالاحد الجاي وادفع فلوسي ثم يجي فترة وتتصل تقول ابي ارجع وهنا
    اكون خسرت فلوسي :(
    وبعد مو حل اني انتظرها تتصل .. لكن الاضمن اني اتوكل على الله واقدم

    الي مخليني استبعد احتمال كذبها انها بالجوال ورتنا اصابة الولد
    وقبل كانت دايم تورينا صور بناتها وعيالها وكل شي
    وقد ولدها الثاني جته اصابة ودخل المستشفى وطلع عادي وعلمتنا

    ولدها مات لان حسب كلامها ركب دراجة نارية وصدم بها
    ورتني صورة اليد بس بدون ماتوريني وجهه تقول كان في اصابة بالراس
    بس ماقالو لها على امل يتشافى بس مات وعلموها وهناك مخالفة انه
    يركب دراجة بدون رخصة والسالفة داخل فيها شرطة ومدري وش

    لذلك احساسي يقول انها واجهت مشاكل منعتها تجي
    بس ليييييش ماكلمتنا وعلمتنا؟ لو ننتظرهازيادة مايخالف
    بس مو كذا تسحب ! وعلى وجه رمضان حسبي الله عليها

    اذن مفروض نسوي لها خروج نهائي؟ انا ابيها تتورط لمن تجي تشتغل
    مرة ثانية بالمملكة
  5. @mbrok_tm_nklk

    نصيحتي لك قدمي شغاله جديده واذا قالت لك بترجع انقلي كفالة الجديده وبكذا ماتكونين خسرتي لان فيه ناس محتاجين شغالات خاصة مع قرب رمضان الله يبلغنا وانتوا رمضان

تابعي تجارب أخرى من هذا القسم.