شاركي في النقاش

سجلي الدخول لإضافة تعليق.

التعليقات

135
  1. أم العلامة وعطوارت شرقية شوفوا الحياة حلوة بس أحنا اللي نعكر صفوها
    أنا كنت كلما تذكرت نفسي أول أتحسر ليش ما عشتها صح ؟؟ ليش عيشت نفسي بهم وقلق
    تعبت واتعبت اللي حوالي .. والحمدلله الحياة ماشية والله اني أقول الحين لو تزوج بكيفه أهمشي الله يحفظه لي ولعيالي بالله وش عيالك بدون أبوهم
    ...
    أكيد أنتوا مثلي مرت علي أيام كلما تذكرتها قلت والله أني غبية اقلق وازعل واعصب ليه الدنيا ما تسوى والحمدلله كل شي تسوينه لك أجره ودي بكلام كثير بس ساعدوني .. انا الحين أكثر نضج من أول تدرون ليه عرفت نفسي فعطيتها حقها والتفت لذاتي اللي اهملتها كثير والحمدلله ارتحت وريحت والله يتمم
  2. @fdo_aayonk

    هلا لي 15 سنه
    ماشاءالله

    الحمدلله على كل شي راح زينه وشينه
    يوم اتزوج كنت صغيره وكان كل همي انه يرضى علي بعد فتره تماكنت روحي يعني تمكنت من العوده لشخصيتي والحين احسن انا فهمته
    وزي ماقالت (سعوديه اصيله)لازم يكون لك علاقات بأختصار ما يكون محور حياتك.
  3. @am_alaalam

    صاحبة الموضوع
    عطورات شرقية: وش اللي ذابح الناس الا التفكير في المستقبل ويمكن يلحقونه ويمكن مايلحقونه
    أول كنت دايم يضيق صدري من التفكير في مستقبلي مع زوجي أكيد بيجي يوم ويرميني ..أكيد بيمل مني وووو لكن لاتذكرت ان الواحد ماله الا المكتوب عليه ويمكن يعيش لذاك اليوم ويمكن مايعيش أرتاح وأريح راسي . ...وشكرا لردك

    محبة للجميع : أشوف كشختي علي خخخخخخ ياحليلك يامن الدروس عندي بس صبرك علي والله يانا تعلمت شغلات واااااااااجد في حياتي وأعتبر نفسي متأخرة بس ميخالف كل شي ينفع

    ودائما في شيء يريحني مررررة ودائما لاضاق صدري أتذكر هالشيء وأرتاح تدرين وشو هو ( صحتي وعافيتي ) اذا ذكرت إني أمشي برجولي مايشلني عكازات ولاغيرها أحمد ربي مليون واذا شفت اللي فيهم أورام أو أمراض نفسية أسجد لله شكر على نعمته واللي راح من حياتي الله يجعله تكفير وتمحيص ...!!

    أنا سعيدة في حياتي طالما اني متعافية وعندي عيالي ووظيفتي والحمدلله صحيح الدنيا ماتكمل بس نعيش يومنا وبكرا ياعالم نلحقه ولا مانلحقه
    ...
  4. @am_alaalam

    صاحبة الموضوع
    فدوة عيونك : ولايهمك أنا يوم أتزوج سني مناسب جداً للزواج ومع ذلك غلطت غلطات شنيعة في حياتي وأحيانا أتمنى الزمن يرجع عشان أغير ردة فعلي تجاه بعض المواقف بس خلاص اللي راح راح وحنا عيال اليوم والشاطر اللي يستفيد من ماضيه لحاضره ومستقبله ...

تابعي تجارب أخرى من هذا القسم.