زوجي طلقني امس.....اكتفى من الردود

الله يهديك شو حشرك في اخته المهم عندك زوجك احترميه سمعيه كلام زين طيب عصبتيه ها هي النتيجة انها اخته يا بنت الناس ما تهون عليه الله يهديكي ويهني بالك

نسال الله السلامه والستر في الدنيا والآخره
الدين والخلق هي أساس الحياة
اذا كان الانسان يتحكم في كل تصرفاته طاعة الله ( مرأة او رجل ) والله كل هالامور لن نجدها
ابعدي عم اي شكوك سيئة ابعدي عن الظن ان بعض الظن اثم
ابعدي عن العناد
وخليك ببيتك ولا تطلبين السفر او الخروج وحتى لو حجز لك لانه شرعا المفروض ما تخرجين من بيتك لا يجوز
ابقي ببيتك واخرجي نفسك من اي وساوس

فوراً اعتذري منه وبوسي يده ولا تجيبي طاري اخته ولا غيرها وكل واحد يحاسب لوحده.
اخزي ابليس وتعوذي منه ولا تفكري هالتفكير والزمي بيتك واهتمي في زوجك وابنك وبيتك واتركي عنك الشك.
الله يسخركم لبعض ويستر عليكم.

بنات معليش انا مش فاهمه يعني تجلس بحظن اخوها
يعني هل البنت اصغر من عمر السبع سنوات وتجلس بحظن اخوها اوكي
لكن بنت 15و16 فما فوق يعني مثلا تحصل اخوها جالس وتجي تجلس بحظنه وهيا كبره خير ان شاء الله
فهمني الي عندهم عادي لاني صراحه ماقدرت استوعب ومثلا الاهل جالسن جلسه عائليه وعادي بنتهم تحصل اخوها جالس وتجي تجلس زي البيبي وركبه فوجهه من كبرها
فهمونا ترا احنا فهمنا كذا فهمنا

يا اختي الله يهديك بس
غلط تواجهينه بدون دليل و مانتي متأكدة
ومايصير تجيبين سيره اهله على لسانه
ترى مهما كان يحبك ويعشقك الرجال شرّاي لأهله


انا قد شكيت بعلاقة زوجي بوحدة، ماشفت منه شي لاهو راعي طلعات ولا شي بس هي زميلته بالدوام ومرات يقولي صار كذا وفلانه حكت كذا ومن هالحكي
بس اللي يصير بالشغل انا مادري عنه وشغله مختلط وفيه مجال يطلعون وهذا اللي خوفني
ولاحظته مرات تلقط عيني يحاكيها واتساب وهذا اللي خلاني ابدا اشك فيه
و صرت انتبه لسوالفه وحكيه عن الشغل وبالذات لا جا طاري اسمها
وصراحة ماكنت متأكدة ابد مع اني شايفه انه ماعنده طلعات ولا هن راعي مولات ولا استراحات ولا يطلع مع اصحابه
والشيطان شاطر
ياختي فكرت في الف فكره وفكره عشان ابغى اعرف وش بينهم
وماقدر اسأله لانه بيقول مافيه شي وراح يصير ياخذ حذره مني
عملت نفسي مسكينه وياغافلين لكم الله واني على نيتي و لا سولف عن الشغل وقال سالفة عنها اضحك معه من قلب و اقوله وش صار بعدين واسوي اني متحمسة وانا من جواي ودي اذبحها


طبعاً انا عندي الرقم السري لجوال زوجي وما افتحه الا اذا احتجت حاجة وقدامه
طبعاً انا اتعمد اسوي كذا عشان يشوف اني ما اتدخل به ويصير يستأمني
و اذا دق احد اقوله جوالك دق يقول منهو اقوله مدري مارحت له او ماشفته


وانا فعلياً اكون شايفه وعارفة بس اوضح له اني ما اتذخل بخصوصياته
لين ماجاتني فكرة اني افتش جواله وهو نايم لان نومه ثقيل
بس خفت يصحى ويشوفني
وبعدين فكرت اشيك جواله وهو يتروش وخفت مايمديني
وهكذا لين ماجا ببالي ارسل محادثة البنت بالايميل لي بدون مايدري من جواله
وصرت انتظر لحد ماجاء يوم يتغدى وانا صايمه و كنت بالغرفة وهو بالمطبخ وترك جواله بالغرفة
واسمع صوته يحوس بالصحون وساعدته لحد مابدا ياكل وعرفت انه ما راح يقوم لانه يتغدى ويدخن ويشرب شاهي بعدين يقوم
رحت فتحت جواله وارسلت المحادثة لنفسي وبس وصلت رحت للايميل حقه بنفس الجوال ومسحتها من الايميلات ومشيت الموضوع عادي ورحت جلست معه لين اخر اليوم


ومافتحت الايميل اللي فيه المحادثة الا اخر اليوم بالليل بعد ما نام وشفت كل شي
وتأكدت ان مافيه بينهم الا كل حاجة عادية شغل بشغل و يتواوصلون واتساب عشان ما ينزعجون وكل حاجة رسمية


وحتى لو طلع عامل حاجة وش راح اسوي ؟ ليه اقلب الدنيا وازعل حالي ؟ ترى بيزعل ويتوهق كم يوم بعدين بقول بيتن جابك يضفك و يمكن يكذب علي ويسوي نفسه تاب ويرجع
ليه اوجع راسي ؟ اللي يسويه مو خيانه لي انا
هذي خيانه لربه عنده رب يحاسبه
يمكن صدق انا ازعل من الموضوع هذا لكن خليني انصرف بذكاء بنفس الوقت ؟