حبيته من كل قلبي وندمانه

ماقريت اغلب الردود
لاكن بقولك على نظرته لك هو ينظر لك انك انسانه رخيييييصه والشي اللي باقي مخليه معاك انه ماشافك وهذي غريزة داخل اي رجل
اعرف شخص عز المعرفه يتكلم عن علاقاته هو تاب ولاكن تدرين وش يقول
ان الانسانه اللي يكلمها وتسمح له يقابلهاوينام معاها او حتى يبوسها تسمح مفسه منها ويملها ويبحث عن جديد شي نيو
عزي نفسك وعزي ابوك وامك اللي مالهم ذنب بطيشك او لحظات نزوه وهفوه
عمر الحب بالحرام ماكان طعمه شين داااايم الشين يجمله ويعلق الشخص فيه
رددي دائما اللهم احرمني متعة معصيتك
ولاتتوقعين انه بيرتبط فيك انسي هاافكره

الله يهديك ويرضى عليك ويسترك أولا
انتبهي لنفسك وعرضك
شوفي بقولك شي والله لو يحبك صدق ماقال لك ان له علاقات وسفريات اللي يحب مايجررررررح فهمتي عليه
لاتضيعين عمرك وقتك معه وترخصين نفسك حرررام
ثانيا كيف علاقتك بربك صلاتك قرآنك
انتبهي لحالك وصحتك
بعدين ماتدرين يمكن ملك يمكن متزوووج ومخلف ويضحك عليك
اعرف وحده معانا بالقرووب ولد عمها لحمها ودمها تكلمه وتسهر لين الصباح عشان تقومه لدوامه وهو نايم وهي سهرانه وعود بزواج واخرتها تدق يعطيها مشغول تدق مره ثانيه مغلق طلع ولدعمها ملك ويلبس حرمته الشبكه وهي تصيح
العلاقااات مافيها إلا الدمااااار لك ولاهلك
ويارب تهديك
واطلبي ربك وأنتي ساجده أن يغنيك بحلاله عن حرامه

الله يهديك ويصلحك ... حاولي تنشغلي باشياء تنفعك .. هو صح صعب عليك بالبدايه انك تتركيه لكن حاولي تخففي قدر الامكان من الكلام يلي مارح تستفيدي منه الا خساره نفسك وصحتك وكل يلي حواليكي
وانا اعطيكي حل يخليكي تصحي من الجو يلي عايشه فيه .. قولي له بصريح العباره اني مو ملكه جمال مثل مو انت متخيل .. وشوفي عاد رده فعله ... وعذرا عزيزتي على هذا الحل لكن اشوف بهالشي انك انتي حتتركيه من تلقاء نفسك .. صح رح تنصدمي .. لكن هذي الصدمه حتخليكي تصحي على نفسك وتداركي اخطائك
الله يحفظنا بحفظه .. وبالتوفيق

انتي بسكرات الحب ماراح تستوعبين نصايحنا
لاكن بيجي يوم تستحقرين نفسك شلون صدقتيه
شلون ارخصتي نفسك وبعتي سمعتك ودينه لواحد انتي بنفسك قلتي مر على اكثر من بنت
انتي فكري شوي كل هالبنات اللي مر عليهن مامارس معهن نفس الكذب واوهمهن بالحب
انتي نفس الشي بيلقى غيرك هذا اذا ماعنده غيرك الحين
بكرا يتزوج ويستقر ويتزوج وحده يثق فيها وتكون ام لعياله
اما انتي وغيرك من البنات اللي يكلمهن يعتبرهن منشفه الكل يمسح بها ويرميها
اسفه اذا جرحتك بس هذا الواقع اسال الله ان يهديك ويصرفه عنك ويغنيك بالزوج الصالح

الله يخلصك منه على خير
هذا لايناسبك ابد
الحل الدعاء في جوف الليل يرزقك ابن الحلال وتزوجية فورا وبتعضين يدك ندم على حب ضيعتيه في انسان مايستحق
بالله عليك مصدقة انه بياخذك لو حتى ملكة جمال
مافي سعودي ياخذ اللي تسوي معه علاقات عايشة في وهم وضياع
وهو قالها لك شاف من الزين مالله فيه عليم اجل ليه مااخذ منهم
حبيبتي هذا يبغى منك شغله وحدة
تطلعين معه وينفض عذريتك ويرميك زي الكلبه
اسفه عالكلام بس اعتبرتك اختي ولازم لك ضربه تفوقين