بنات احس بهم ماشكيت لااحد
غير ام زوجي قلت لها عن ولدها تخيلواا قاعده احكي لهاً ويسمع زوجي كلامي لها عنه انحرجت وانقهرت والله اول مره اشكي لها كذاا واقولها اللي بقلبي وهو شكله سمع من البدايه بس في كلام كثير ماقلت لهااا
احس بنفجر من كثر الضغط والسكوت
كرهته كرره من اسلوبه وكلامه
مايبغاني اطلبه شي غير طلبات البيت
ويكذب علي اذا كان عنده فلوس مايقول لي واذا كان ماعندي انا طفران ماعندي شوفي صرافتي واذا عنده يسكت ويدسدس ويقطع الورقه عشان لااشوف كم بحسابه
وغير كذا نكدي ويمن علي اذا وداني مطعم ولا اشترى لي شي مثلاااا جهاز الليزر اشتراه لي وجلس يمن علي من مو طبيعي ماخلى احد من اهله ماعلمه
انا اشتريت لها وسويت لها هذي فاشله هذي مدري ايش
تخيلوا حتى القرص الخبز ذا اسويه ولا يزبط بس مايمدحني ليه مو زي حق خالتي ليه مو زي حقها مو زابط قهرني خلاص انطم انا غير وهي غير
وانا خلاص ماعدت اطيقه
بنات حتى نومه معه مابغاهه مالي نفس فيهه ولا حتى ابغاه ذا الشي احس صابني بروددددد وربي
وهو دايم يحطمني انتي مانتي مزبوطه بعد ماجبت بنتي عمرها ١٠ شهور الحين
حطمني كثيرر وربي هو يحطمني ويجيني يعني مو هاجرني بس انا اللي هاجرته ولا ابغاههه واذا جاني كذااا برووود مو طبيعي لي ٣سنين معه
مدري طبيعي اللي انا فيه
تخيلوا بنات من كثر الطفش والقهر اسلي نفسي بالنوم
انا كثيررررررر مررهه فوق الطبيعي
وبيتي احاول يكون نظيييف بس ماحس انه نظييف
وهو لو يلقى كم صحن يصحيني قومي غسلي قومي نظفي بيتك
والمكياج والبنطلون ماطييققه مارتاح فيه
واحس بكئابه مافي شي جديد بحياتي
يعني اسوي غداء واغسل المواعين احس اليوم كله يطيرررررر
وبنتي نومها زفت وانا مثلهاا
وزوجي ذااا كرهته والله ماعد. احبهه استغفر الله ياربي. كنت بموت فيه بس خلاص احس عفته
لسانه اذا غلطت يصير اوصخ من ايششش اتبلدت احاسيسي والله حتى يوم يقرب مني مابغاهه كذااا احس اني عفته وش اسوي ولا احس بطعم العلاقه معه مدري من كثر مايحطمني
حتى بالطبخ اذا مازبط شي ايأس مررره ولا اسويه مره ثانيه
لدرجة ان طبخاتي معدوده يارز يامكرونه
بسسس عشانها تزبط معي
كيف اغير حياتي كيف اتقبله
الشي اللي كذا مخليني هو نفسه هوووو
والله حتى مابغا اجلس معه يارربي وش اسوي انااا
قهرني يابنات امس تخيلووو
عشان نمت يوم نامت بنتي ماصدقت تنام عشان انام
مانمت الا٤ساعات
ونمت وجاء صحاني وقال يلا قومي اجلسي معي
وانا مرره فاصله.
قلت طيب وطنشته ونمت
وهو كان بيعدل نومه ونام ويوم صحي
قال ليه تنامين ليه ماتجلسين معي انتي بس نايمه
وانا سكتت والله مارددتهقام ضربني الله يكسر ايده
وربي يابنات جنوبي خضرت وفخذي عورني وشد شعررري وقعدت ابكي وبعدين ذلف ورجع وقال يلا اطلعي اشتري اغراض البيت وطلعت نع ان مالي نفس
ههه حلوه يوم رجعنا يقول تعالي همزيني صرفته حلوه ذي يمد ايده ويبغاني اهمز له الله يكسرها كسرر
خلاااص كرهته والله حتى اني ماعد ابغا اجلس جنبه
عكس زمان والله ماعدت اطيقه واكرههههه
واتمنى متى يطلع من البيت بس عشان افتك منه ومن طلباته
بس يتصلل حتى لا طلع
افففف كرهته
فضفضه ماافضفض لااحد 💔💔💔 تعبت احس اني مكبوته
شاركي في النقاش
سجلي الدخول لإضافة تعليق.
التعليقات
13- ممكن تشوفون الشي تافهه بس والله كرهته من كل قلبي
- حبيبتي مدري هل اللي فيك اعراض اكتئاب او ضغوط نفسيه عشان يقارنك بغيرك ومقصر معك وشايله بقلبك
اجلسي معه وصارحيه اطلبيه مصروف لك خاص متناسب مع راتبه
طوري من نفسك يعني احسك محبطه جربي اثنين وعشره طبخات نوعي غيري مره اثنين بتضبط
ترا كلنا ودنا نجلس بدون مكياج ولبس مريحح بس في عيون حولك بتشوف مو شرط كل يوم مره مرتين بالاسبوع
لو روج يغير النفسييه انا انصحك تراجعين حق نساء وولاده ولا روحي المستشفى كبير ودخلي ع الاخصائيه الاجتماعيه او الفسيه
اذا حاسه مو قادره تكملين مع زوجك وانتي طبيعيه انفصلي عنه - يضربك وتطلعين تجبين الاغراض
ليش ياحبيبي كرامتك هاينه عليك والله الرجال مايستقوي الا اذا شاف زوجته ضعيفه
انتي ماراح تموتي اذا ماجبتي اغراض يتمنن عليك بفلوسه هذا الي فهمته ولا تهمزين له وربي رجعت اقرا الكلام معقوله في بشر مثله وسكوتك ليش ؟؟؟
اذا ثاني مرا ضربك ارمي عليه اي شي بياله ترمس ريموت لاتسكتي ترا الي يضرب زوجته ضعيف ومهزوز يتقوى ع الاضعف شوفيه بالشارع بسه مايهش وبعدها اتصلي ع اهلك ولا بنفسك روحي لاقرب مستوصف واشتكي عليه
لمتى الخوف؟ كم مرا بتعيشي ليش تخلي انسان مثلك مثله يذلك
بعد ماتشتكي وينفضح بالشرطه بيتوب ولابيطلق واذا طلق مانتي خسرانه
لاتقولي اهلي مايبوني قبل ثلاثه سنوات كنتي عايشه معهم ارجعي معهم
من كلامك واضح نفسيته باااد كله منه
قهرني بقعد طول اليوم افكر فيك الله يسامحك - وانتي توصفين مشاعرك واللي تحسين فيه وانك فاقده اللذه والاستمتاع بالحياه واللي فيها اعتقد اللي ذكرتيه اعراض اكتئاب
يمكن المشاكل اللي تمرين فيها صغيره وموجوده في اغلب البيوت لكن انتي من شدة الارهاق النفسي والاكتئاب مو قادره تتعاملين مع المواقف والظروف وتحسين ان كل شي حواليك يضغط عليك ومحتاجه تتنفسين وترتاحين
واحسك ودك تهربين من كل شي عشان ترتاحين للاسف يا اختي الهروب من المشاكل ما يحلها بالعكــس يجمعها ويراكمها
حاولي تغيرين من نفسك وحياتك قد ماتقدرين ببساطه تذكري ان صحتك وسلامتك النفسيه والعقليه والجسديه اهم من أي شي
ولا تسمحين لأحد يضربك ليش ما انتفضتي عليه ولميتي الجيران واهله عشان يفكر مليون مره قبل يمد يده ، كوني قويه واحمي نفسك لانه محد راح يحميك وانتي مسلمه نفسك وراضيه
اول شي روحي للمستشفى واطلبي تحاليل يمكن معك نقص فيتامينات ومعادن مسبب لك خمول وارهاق وتأثرت نفسيتك
ونصيحه ثمينه حاولي تطبقينها اصحي بدري واطلعي تمشي او هرولي تحت الشمس واستنشقي الهواء جسمك راح يتخلص من الطاقه السلبيه والتوتر والضغوطات ويتجدد الاكسجين بجسمك
وخصصي لك وقت لتلاوة لو صفحة من القران واخر الليل صلي ركعتين وقت الهدوء والسكون بتلاحظين اثره الايجابي على نفسيتك
وبالنسبه للحاجز الوهمي اللي صنعتيه بينك وبين زوجك عشان تهربين من الواقع اكسريه وحطميه وابرزي شخصيتك الجميله وكوني اقوى واجمل بنظر نفسك قبل لا تكونين قويه وجميله بنظر الناس
اهتمي بصحتك وبشكلك روحي مشوار غيري ستايل شعرك ولبسك راح تتحسن نفسيتك واذا تقدرين غيري مفارش السرير وافتحي الشبابيك خلي الشمس والهواء ينعشك
اللي اقصده التغيير يبدأ منك انتي لا تنتظرين احد يغيرك او يتغير عشانك
الحياه هي وحده والعمر واحد واليوم اللي يروح مايرجع ، والقرار عندك اما تقومين وتعيشين بمحبه وسعاده وتواجهين ظروفك وتتغلبين عليها او تبقين واقفه مكانك غارقه بهم وحزن وهمي صنعتيه لنفسك
الله يشرح صدرك وييسر امرك - الزمي القرآن والاستغفار وتصدقي وشوفي كيف تتغير حياتك تماما مليون مررررره
مواضيع مشابهة
تابعي تجارب أخرى من هذا القسم.