شوفوا كيف بفضل الله ثم بكيدهم بالصوت واختيار الكلمات وصلوا للي يبغون

السلام عليكم ورحمة الله وبركاته..اخواتي الحوائيات حكتب لكم الموضوع واتمنى انكم تفيدوني فيه..أنا لي سنين في تعاملي مع الناس عادة احب اللي في قلبي على لساني ونبرة صوتي تقريبا موحدة او شبه متقاربة فرق بسيط ما أضبط نبرة صوتي على حسب الموقف ولا كلماتي..واعتبر اللي تضبط صوتها وكلماتها على حسب الموقف منافقة وام كم وجه..عاد هذي السنة دخلت أدرس بعد انقطاع واشوف البنات كل تضبط وضعها مع الأستاذة تغير نبرة صوتها حسب الموقف او تسكت واذا في مشكلة واتفقنا نكلم المديرة او الاستاذة عشان نشكي او نقترح شي معين ماتظهر في الصورة تخلي الباقيين او الكل يتكلم شي بسيط واجي انا على نياتي واتكلم بالكلام كله اللي اتفقنا عليه انا وزميلاتي وزميلاتي تنط وحدة وتقول الكلام منمق تبرة صوت ماهي نبرة صوتها العادية ولا كلماتها العادية..تقولها وكأنها تبغى اللي قدامها زي نبرة صوت اللي يجون في المسلسلات في وقت اللحظات الرومانسية..وفي وحدة نفسها تصير قائدة في الفصل والكلمة كلمتها كل شي تبغاه رايها الصح بس لكن ما اعطيتها فرصة واقول لا في الوقت اللي ابغى اقول فيه لا وماعجبتها وصارت رسمية معي قلت فكة من باب مكة..لكن اذا احتاجت شي مافهمته وكانت مزنوقة ومافي وقت تقول للأستاذة تفهمها هذي النقطة تجيني وتقول لي بنبرة صوت رومانسية طفولية تذوب فلانة فهميني هذي النقطة ايش قصدها الاستاذة وبعد ماتاخذ مصلحتها اللي سويتها انا لوجه الله ترجع لصوتها الرسمي معي ..يا اخواتي احسه طالبات فصلي فيهم نفاق ومصالح ولا كيف ..كل همه مصلحته وتتغير نبرة صوتهم وكلماتهم وقت حاجتهم !!!لأني كنت سنين معزولة عن الناس واذا رحت اروح انا وعيالي الصغار فما اجلس اركز هذي كيف تتكلم وهذي كيف نبرة صوتها..بعد ما دخلت المرية انصدمممت من هذا الشي..وبنات فصلي قدام بعض الأبلات بوجه ومن وراهم بوجه ثاني قلتلهم اي كلام قولوه للأبلة ملاحظتكم مو تتكلمون من وراها !! بنات هل هذا طبيعي اللي يسوه بنات فصلي وانا اللي لازم اتعلم زيهم..اليوم تكلمت مع المديرة زيهم (غيرت نبرة صوتي لرومانسي وطفولي ويذوب زي نبرة الصوت اللي يتكلمون بها في المسلسلات في اللقطات الرومانسية )لما طلبت منها اجازة بفضل الله ثم بتغيير نبرة الصوت والكلمات اللي قلتها على طول وافقت..لكن حسيت اني منافقة ..مدري بنات وين الصح ..اللي في قلبي على لساني اللي دخلتي في مشاكل وما احب النفاق..او اصير زيهم وقت الحاجة بصوت ووقت الجد بصوت ومع الناس الرسمية بصوت ومع الصديقات بصوت ؟