(تجارب المطلقات) دعونا نتشارك بمعاناتنا واراءنا وتطلعاتنا لبناء مستقبل جديد

السلام عليكم
كيفكم بنات

انوسة اتوقع انك عاتبة علي وعتبك على راسي من فوق
بس الوضع عندي شوية متازم

المحاولات المتكررة اللي بين فترة وثانية للرجوع لابو الاولاد وكالعادة بمبادرات من احد من اهلي هالمرة ازواج اخواتي
احنا علاقتنا مع بعض مفتوحة نوعا ما وازواج اخواتي بحسبة اخواني الكبار خصوصا انهم متزوجين من وانا صغيرة

والموضوع متعبني جدا ... تعبت من هالسالفة

حوسة وعفسة تاخذ لها مدة وبعدين النتيجة تعب قلب ونفسيتي تنزل في الحضيض من جديد ومعاناة لحد ما ارجع واوقف على رجلي

محتاجة دعائكم

اشوفكم على خير

ههههههههههههههههههههههههههههههههههههههههههههههههههههههههههه
ياعمري حلالك ياقلبي
الله يعطيك الصحه والعافيه
ويرزقك من حيث لاتحتسبي
ويبار ك لك في علمك وعملك ومالك واولادك

هلا ورده متفتحه ومشرقه باذن الله
شوفي قلبي لاتدعين عليهم اتركيه لله هو حسبك وحسيبهم
بس قولي حسبنا الله ونعم الوكيل دائما وبتشوفين نتيجتها
اسئل الله ان يعوضك خير من مافاتك
ولا تنسى ان الله مع الصابرين
والله ما ابتلاك وحرمك الا ليعطيك بس كوني قد هالبلاء والاختبار

اهلين ليلاااااس صدقتي والله كيفك وكيف ابنك
الله يخليه ويصلحه ربي ويكون بار فيك يارب ويعوضك عن كل التعب الي تعبته فيه
ويعوضك بالزوج الصالح عاجلا غير اجل قولي امين ياقلبي