ابوي زعلان مني وطاردني من البيت ..ابي اراضيه

والله نفرني و لا خلاني احب راسه..بس وقتها الموضوع بحرته الحين انا ترجيته يسامحني و اعرف ان قلبه سامحني بس ابي اعطيه قدره و اراضيه بطريقه ترفع راسه قدام زوجي ..

كل الي صار مكتوب

المهم الان تقولي ابوك رجعك للقروب!! معناته انه طيوب وحنون

خليكي وراه زوريه كل يوم بوسي راسه ورجله حتى لو طردك ارجعي ثاني لايجي رمضان الى وانتي كسبتي رضاه

واكثري من الدعاء وان شاالله ربك يحنن قلبه عليك

وانتبهي مرا ثانيه مشاكلك حليها ببيتك لاتوصليها ل اهلك مالهم ذنب تكسريهم وتقلليلي من قيمتهم بلحظة غضب

صدقتي و ربي انا ابوي ما فك الحظر الا لما شريت ثلاجه و قلت بعبيها مويه كل يوم و احطها صدقه للعماله بهالصبحيه و الجو الحار و نويتها صدقه برضى و الديني ..والله انها ما بعد تنحط الثلاجه بس شريتها و بديت اشوف مفعولها ..فك الحظر و ارسلي ابوي اليوم الي بعده وصار لي مجال اتأسف له

ايه هاذي مشكله مافي مثل الأهل هم العزوه الزوج ماله امان الله يعينها و***** الله يكون زوجها به خير ومايعيد مشاكل معها

بقولك شي اختي كذا زيك اول مره وقفنا معاها واخوي سوى فيه اللي ماينسوى ومافي على فمه الاكلمة بطللق قلتلها الطلاق ماهو حل وجاء اخوي وكلمه ورجعو ومره ثانيه بعد سنه نفس الموال وابغى اطلق وقف معاها اخوي وكلنا معاها لان هو مستغلها استغلال فضيع وبعدين يمد يده عليها ولا رضيت طلعته سابع سما ولازعلت نزلته سابع ارض المهم نفس الشي اخوي وقف معاها وفجاءه ارسلت لاخوي برجع مع زوجي ولاقالت لاخوانها ورجعت من دون ولا كلمه اخوي مره انقهر لا والمشكله تتزاعل مع اخوانها وتروحله صرنا خلاص تعودنا عليها كل مره تجي ونفس الموال بطلق وتجلس شهر شهرين ولاشتهت الرجعه قالت عيالي وعيالي صرنا مانت خل حياتها هي تحلها بنفسها كلامي هذي ان مره ثانيه لارجعتي صدقيني ماراح تلاقينهم زي اول ليش تكسرين ابوكي وتكسرين كلمته خليه هويتفاهم مع الرجال كان مالك كبير الله يهديك ماعندي حل الا تروحي تتسامحين منه مره ثانيه وحطي بالك انه ممكن يردك وخلي زوجك يجي معاك وعتذروله حتى زوجك المفروض يعرف الاصول وعلوم الرجال ماياخذك وابوك ماهو موافق