امي وابوي دمّروا حياتنا

إذا شايفه هالشي بيفيد بتدخل حد كبير ف جربي ليش لا الأهم الدكتور النفسي خليه آخر حل .

رسالة لكل وحده تقول بصبر عشان عيالي
دام صبرك بيكون كذا لاتصبرين
يمكن لو انفصلو عاشت الام عيشه افضل وماضلت تحرق بنفسها وممكن جاها اللي يعوضها
وطلعو اطفال نفسيتهم افضل من الي فوق
الي بتصبر ي تصبر من دون تضر نفسها وعيالها قبل نفسها والا تستريح هي وصبرها
وامك الله يصلحها ويهديها يبي لها دكتور نفسي وارادة تطلع من الي فيه
وترا ابوك يوم طلع مد يد يستنى امك تجي تمد يد
وهو بيتحرك الحركة الي بعدها
بس لما مايشوف اي تفاعل طييعي مابيستمر بالتقدم
الاثنين غلطانين والله يصلحهم يارب

معاك بكل حرف


اقولك ياصاحبه الموضوع الله يهدي امك اي دين انها بمكان وهو مكان ليش القسوه ذي كلها
خلاص مافي شي يستاهل كلمي ابوك يشوف كلمي ابوك يسافر معاها مكه وتغير جو وجهزي لها شنطه كنه عروس احجزي مشغل واتفقي مع ابوك صدقيني لازم مبادره الاب وبعد العمره بيتغير حالها مجرد اقتراح الله يسعدكم ويرزقك انتي وخواتك برجال صالحين يعوضونكم

الله يفرج عليكم ويصلح حالكم وحال كل مسلم ومسلمه ..
جربي تفتحين معها موضوع اي موضوع خليها تتكلم
طيب جربو تطلعونها حديقه منتزه تمشو
انتي واخواتك كلميهم وعلميهم انهم لازم يتغير الوضع اجتمعو عندها ونادو ابوكم وحطو شاي وقهوه وحطو حلا او سوو عشاء ونادوهم ..
اول مره بتصعب بس لو هم سكتو انتم لاتسكتون سولفو لو اشياء بايخه اضحكو على ابيخ شي .. لاتخلونهم يفكرون كثير
خالاتك خلهم يجون لامك يغيرون الجو والافصل تطلع هي .جيبو هديه لامك وابوك خلهم يفكرون ان باقي احد يهتم فيهم ولهم
امك اعتقد معها اكتئاب ولو تقدرون تعالجونها افضل
كلمو ابوكم يبادر هو خجلان بس انتم الامل فانتم عطوهم خطوه
المهم اخواتك لازم يساعدونك لحالك بتصعب بس مو مستحيل
اعرف ناس مثل وضعكم تمام وللاسف طلعو انطوائين
ويفكرون يعيشون مع زوجاتهم مثل ابوهم عايش مع امهم يحسونه اريح من المشاكل بس مايدرون ان هالامور ضيعت حياتهم ..
وكثرو من اللهم الف بين قلوبنا واصلح ذات بيننا واهدنا سبل السلام 💙
الله يسعدكم ويفرح قلوبكم

مسكينه امك تعاني من اكتئاب واضح
يمكن مرت ب اشياء كرهتها ف الحياه
لازم تحتوونها وتعوضونها عن الي راح وتغيرون نظرتها للحياه
فاجئوهاا بهديه حلوه او حفله صغيره تعبرون لها عن حبكم
او اي شي يخرجها من الروتين الي عايشه فيه
ايام الويكند اطلعوا تمشوا سووا كشته او روحوا مول او حديقه
او اذا عندها اقارب تزورهم