امي وابوي دمّروا حياتنا

الموضوع اكبر من اني اخليهم يسافرون مع بعض او احجزلها صالون
صدقيني ماينفع ابدا

تطلع امي بالويكند احيانا
بس تطلع كنها مغصوبة
ماتستمع بشي

من وصفك شكله فيها اكتئاب يعني مرض نفسي مو حالة عارضة وسببه تغير بكيمياء المخ

نقص بمادة الدوبامين

والمريض لو مايبي يروح طبيب مافيه قوة على الارض بتساعده

لكن مريض الاكتئاب يزيد سوء لو الناس ذكروه بكونه مكتئب ولازم يلقى حل ووو

وتتحسن حالته متى ما وجد الحب من الي حوله و التقبل

هي من ناحية = ابوك منعها سابقاً من الحب و القبول

ومن ناحية = انتم تشوفكم متجمعين ضدها و ما تسمعون كلامها وما تحبونها




اكسرو هالنظرة كل يوم وحدة فيكم تسوي قهوه و تجي تحطها عندها ... و تفتح معها اي موضوع مضحك ... توريها صور بزران من جوالها ولا اخبار فلانية ولا مقاطع واتساب ..

وبعدها انتي تجين و تقولين سويت اليوم (تلبينة) او كيك نخالة اي شيء مفيد تحسك تسمعين كلامها

واي شيء تنصحك فيه مثلا ريجيم ، قولي بديت فيه الله يعيني

يعني هي تحس انكم جيل مختلف تماما و ما تسمعون كلامها ومو قريبين منها

انتم هدفكم الحين تغيرون هالنظرة

وهذا بر و في النهاية مين لها غيركم ؟

بتتحسن تدريجيا

ولا تشرهين على اي تصرف لانه مو بيدها ... هي كذا عندها اضطراب بالانفعالات ما تقدر تفرق وش المهم وش الي مب مهم

ربي يفرج همك ياااا رب

يا عمري لا تحملي نفسك فوق طاقتها
أمك هذا قرارها وللأسف بسببه دمرت نفسها وعيالها
شفتن يا بنات النتيجة لما تنصحن غيركن لا تطلقن واعتبريه ميت أو ما موجود فقط آلة صرف
أكثر من مشكلة كبيرة مرت بالمنتدى وألاحظ هذا الرد..
نصيحتي لكل البنات الحل هذا مسكّن للجرح مؤقتاً لكن مصيره يلتهب ويضرك ويضر غيرك
عزيزتي خليكي مصدر يشع حيوية وسعادة بالبيت لأن الطاقة الإيجابية معدية نفس السلبية
واسحبي خواتك معك في الفرفشة وابدأوا سلموا على أبوكم بالنهاية هو إنسان وأخطأ واضحكوا معه
وافتحوا الباب على أمكم وغازلوها كثير 😂😂 زي يا حلوك وَيَا عسل وانتي حبيبتنا ... الخ
البداية صعبة ومطباتها كثير بس إنتي من أسلوبك حسيت روحك حلوة وطيوبة ومثقفة كمان وتعبير عن نفسك بكل دقة لذلك إنتي قادرة على تغيير البيت
ونسيت بعد ابعدوا عن التواكل لأنه بعيد عن كل تعاليم الحبيب صلى الله عليه وسلم يعني استغفر وانتظر الفرج
طيب وين سعيك للحل
التوكل أسعى مع الدعاء
أتمنالك كل السعادة في حياتك وحياة من تحبين