امي وابوي دمّروا حياتنا

حبيبتي انا معك بكل شي
بس ابغاك تستوعبين ان مافيه علاقة بيني وبين أبوي..
مافيه حوار حتى طلبات مااطلب
كيف اكلمه؟
انا مااقدر اكلم ابوي
ليته كان قريب مني عشان اكلمه عن حالة امي
بس بيننا كمية جفا
تعرفين اللي حتى اخبارك مايعرفها
ابوي انسان متهور جدا وعصبي وينفعل
ولنا ماضي أليم معه
يعني كان يهاوش بالشارع يصرخ
يضرب امي..
احسه مريض نفسي
الحين لما ابتعدنا عنه كفى خيره وشره
ابوي ماهو انسان عاقل ورزين اكلمه واتفاهم معه ويتقبل كلامي
لا..
مااحس اصلا بداخلي اي مشاعر اتجاهه والله..

ماشاءالله البنات كفوا ووفوا
الي ابي اضيفه عليك بسورة البقره والله وبالله وتالله انها السحر الحلال لجميع المشاكل
وراح تشوفين الفرق وانصحك بحساب دره انستقرام وحسابات عن سورة البقره والاستغفاركمان
والله يألف بين قلوبكم ويحنن والديكم عليكم ويسخرهم لكم

انا يمكن ماتكلمت بالموضوع عن وضع ابوي..
ابوي من يوم كنا صغار وهو بمشاكل مع امي
اخذ فلوسها كان يضربها يهينها قدامنا
ابوي ولا مرة حسيت اني انتميله او احبه
دمّر طفولتنا وشتتنا ومابنينا معه ذكريات سعيدة
ماكانت تجمعنا معه الا السيارة
والسيارة كلها كانت هواش وصراخ
انا نفسيا تعبت مو قادرة اتجاوز مرحلة الطفولة
وجاتني ردة فعل عكسية اتجاه ابوي
انا اخاف اذا دخل البيت وسمعت صوته يعلى
تجيني حالة رعب مع اني ادري انه من فترة طويلة تقريبا ثلاث سنوات او اربع
مايهاوش ومايضرب ومايسوي شي
بس ع طول اخاف وادخل غرفتي
اخواتي نفس الشي
ابوي مصدر رعب بالنسبة لنا مو أمان
مااعرف كيف ابني حوارات معه
اليوم بعد ٢٢ سنة يبي يعدّل؟
يعدل ايش بالضبط
انا حزينة ع وضع امي وع الحال اللي وصلته
لكن هو وضعه هو السبب فيه
وهذي نهاية تصرفاتنا
ابوي مادمر نفسه بس
دمر عائلة كاملة
بس لو كان انسان واعي ماكان صار كذا
هذي هي النهاية
لاتقولين لي هذا ابوك هذا ابوك
اذا ابوي مااحسن لي من صغري
كيف احبه واناكبيرة
احاول احترمه ابرّه وكافية خيري وشري
لكن مااقدر احس اتجاهه بإحساس انه ابوي
اذا هذي كمية الدمار اللي اورثها فيني وانا بنته
فكيف امي؟

لاتحسبين الزواج بيغير حياتك الزواج مسؤليه وحدود مع الزوج يعني شي كبير مهو حل العرس الحل انك تدعين ربك بصلاح الامور
وامك فيه سبب واتوقع من ابوك جارحها وماهي مسامحته حاولي تسولفين معها عن الرجال وظلمهم لحريمهم وعن الزواج المسيار او الخيانه يعني حلحليها لين تفكين الشفره حقت امك وتنفك عقدتها

الذنوب هي سبب عذابنا في الدنيا والاخرة يا اختي الزمي الاستغفار والتوبة لله عزوجل و ستنفك كل مشاكلكم انصحي امك بهذا بملازمة الاستغفار و حاولو انت وامك و ابوك تبديل ما في انفسكم من المعاصي الى الطاعات على قدر المستطاع والتقوى وتذكري قول الله عزوجل بعد باسم الله الرحمان الرحيم و من يتق الله يجعل له مخرجا و يرزقه من حيث لا يحتسب سورة الطلاق اقرئيها فهي نصيحة من رب العالمين لكل زوجين كثرت همومهما خاصة و نصيحة لكل العباد كحل للمشاكلهم عامة و تذكري قول الله عزوجل بعد باسم الله الرحمان الرحيم و ما كان الله معذبهم و هم يستغفرون من سورة الانفال ان الله غني عن عذابنا و ان عذبنا فليذكرنا بعهدنا الذي عاهدناه اياه بحمل الامانة فان غفلنا عن حملها نبهنا بالعذاب الزمي الاستغفار والتوبة وستري باذن الله عزوجل عجبا