ابغا افضفض وماستغني عن بعض النصائح ربي يسعدكن
تذكرون سالفتي الاولى الي قلت لكن اني زعل علي زوجي وطردني بسبب وصاني و نسيت اعطي امه ابرتها وظلمني وظن في اني انا متعمده
هو فتح عني الحظر انا كنت حاطه صورة العرض دعوة المظلوم ليس بينها وبين الله حجاب هو غير صورة عرضه الجنه تحت اقدام الامهات
كلنا ندخل متصلين بالواتس يطلعلي علامة انه يكتب بس مايرسل شي بعدين يطلع من الواتس
اليوم اتصل في امي عشان بيحول فلوس لبنتي وانا برضو حامل وعندي موعد وقال وشلون فلانه راحت لموعدها
امي عصبت عليه قالت مالك شغل فيها امي مشحونه عليه بعد ماكانت تحبه
حتى انا ماني مستوعبه الي قاله لي وظلمني فيه ماتوقعتها منه كان حنون وطيب ولطيف معي ونحب بعض فجأه لفت اخته راسه علي اخته هذي غيوره حسوده تدري بحبنا لبعض وفرحت لمن تزوجت وقلت ابعدة عني بس للأسف مازالت مكايدها تلاحقني والحسد في قلبها هي من اظلمتني وقالت هي متعمده ماتعطيها الابره تبغا تذبحها ورجع علي قالي اقلبي وجهك انتي طالق يامعدومة الضمير جرحني جرح كنت احبه والحين بديت اكرهه خرب كل ماهو جميل في حياتنا كيف يصدق علي ويقولي مثل هالكلام انا مادعي عليه لأن فيه اشيا كثيره تشفعله عندي ادعي عليها اوقت جوالي واصحي قبل الفجر بساعه اصلي ودعي عليها
كيف اثبتله اتمنى لو نروح المحكمه ويحلفها الشيخ ويحلفني
.
مدري بعده مصر على الطلاق وبس همه الجنين الي في بطني بيتطمن عليه أو ناوي نرجع لبعض
شاركي في النقاش
سجلي الدخول لإضافة تعليق.
التعليقات
50- اللوم على الاثنين
حتى لو قالت له اخته هو عنده عقل ويحكم ولكم مده طويله مع بعض يعني عارفك زين
ماراح توصل للمحكمه وان شاء الله ربي يفرجها لكم
لا اله الا الله محمد رسول الل - مادام اتصل فهو ناوي الرجعه ان شاء الله
لكن يبغى يأدبك خصوصاً انه عدتك طويله ليوم ولادتك ان شاء الله
اثقلي عليه مو اول مايتواصل معك طيران تردي عليه
خليه يحس انه ظالمك و انك زعلانه من ظنه فيك - الله المستعان
صار الطلاق لأتفه الأسباب
بسبب إبرة راح يخرب بيته
الله يخلف عليه العقل والصبر
وش أقولك يا أختي .. دام أنك بريئة
من ذيك التهمة ، راح تنفرج عليك انت اولا
وما يصير باذن الله الا للي يرضيك
خلي امورك بيد الله ،
هو نعم المولى ونعم النصير
أهم شي صفاء نيتك و راحة قلبك مع خالقك
والباقي كلهم يهونون ....
وزوجك اذا ركب رأسه و شتت بيته
مصيره يندم ويعض ع أصابعه
والايام كفيلة باظهار الحق
اهتمي بصحتك اكثر والله يجمع بينكم ع الحق - يابنت انتي متأكده انه اخته السبب سمعتيها وهي تقوله لا تظني سوء ممكن صح تكرهك بس ماقالت شيء لزوجك انتي يمكن تكوني انتي ظالمه اخته
- شوفي اختي هو ظلمك صحيح بس لاتلومينه بعد هذي امه وانجن يوم شافها كذا واخته زادت الطين بله هو المسكين ماعرف يتصرف ومع كلام اخته طلقك بلحظه غضب هو غلطان اكيد بس التمسي له العذر ولو انه ماعرف غلطته مااتصل وسئل عنك بس الرجال بطبعهم مايحبون الاعتذار والاعتراف بالغلط
الله يهديكم لبعض وتذكري انه زوجك وحبيبك وابو عيالك ماتفرقكم كلمه من حساد ..
مواضيع مشابهة
تابعي تجارب أخرى من هذا القسم.