❤تجمع نفوسات وامهات مواليد مارس وابريل ٢٠١٧❤

تخفف من الم التطعيمه والحراره

الحمد لله ع سلامتك ياقلبي
ربي يحفظ لك اياد ان شاء الله
عاد الصياح لابد منه
ولدي مايسكت الا اذا احطه ع صدري

رجعت لكم بالاكشن ..
نبدا بيوم الخميس قالت الدكتوره البيبي كبير وعندك احتمال سكر ومن هالكلام وكلكم عرفتوا اني مره تعبت وطفشت وشلت هم وزنه وانا معوشره وكذا ..
صحيت الجمعه صايمه عشان اعمل تحليل السكر وماعملته الا عصر لان مافي مختبرات من بدري الجمعه طولت يمكن ١٢ ساعه صيام انتظر ،. المهم كانت نتيجه التحليل سلبيه وحمدت ربي الف مره ودعيت الله وقت ساعه الاستجابه انه يتمم فرحتي بشوفة جنيني وطول وقتي احوقل واتعوذ من الشيطان ..
بعد المغرب يوم الجمعه قال زوجي البسي بوت رياضي بروح مشي وقلنا يالله ومشيت ساعه كامله وحلصت وعالمطعم الصيني وانا احس بطلوق خفيفه كالعاده فما اهتميت ..وبعد ما خلصنا العشا قال زوجي طيب لو رحتي طواري يمكن مفتوح الرحم ويولدونك قلت تدري دخلت الفكره براسي بروح اقلها تعبت من الطلوق ماهي منتطمه سوي تحريض وانتم انتظروني بالسياره قال طيب ..
نزلت ودخلت وسووا تخطيط قالت فعلا فيه طلق والرحم طلع ١سم .. باعمل تحفيز وتحملي وارجعي البيت سوي علاقه وامشي وبتجيني ولاده .. قلنا اوك هذا الكلام الساعه ١ ونص
بدت الدكتوره بالتحريض ومررره عنفت وانا اصييييييح والا المويه من انفتحت وانكبت كب علينا .. قلت اش ذا قالت عادي المويه مو انتي تبغي ولاده جابها الله ..
بس المشكله ايش ؟ المويه كلها براز وطيران عالولاده وانا مو متجهزه وجايه من ممشى ومطعم ههه وبلغت زوجي وراح صرف ولدي وبنتي عند عمتهم وجا ..
طبعا ايش اشرح لكم خوف ان ولدي متبرز وممكن اكل منه واثر عالتنفس وقلق لان المويه كلها راحت والطلق حااامي موووت والرحم معند ع ٣ سم .. لين خلاص بكيت قلت ابغى طلق صناعي لي ٣ ساعات اتلوى على ٣ سم !!
بس باطلب الابره الظهر لاول مره وع طول وقعوني علبها واختار زوجي افضل دكتور من اصحابه سوري وطلبه هو يسوي لي القسطره تبع الابره وهو زوجي حضروا وسىوا كل حاجه لان زوجي اخصايي تخدير زي ماقلت لكم ..
وكانت الابره نعمه نعمه لدرجه فتح ل٩ سم وانا انام واصحى على الم لايذكر .. زي الدفع خفيف مره
بس الي اكلته من ورى هالابره ماقدرت ادفع لان مافي احساس قوي بالدفع وعضلاتي شبه مخدره .. وتعبت ادفع بالاخر شفطوه >> حظي بالاولاد يطلعوا شفط زي بكري هههه
والله يابناا الي تتحمل الالم تبعد عن الابره مره ماقدرت ادفع معاها احس كني بكر صح ريحتني بس اكلتها وانا ادفع ..وهم ماعندهم صبر لانه متبرز وخايفين ..وزوجي معايه بغرفه الولاده رحمني وانا ادفع وابكي 😭
المهم طلعوه وعلى طول عالعنابه التنفسيه و... الين تاكدوا ان البراز مادخل الرئتين والا البطن عادي يسحبونه ويطلع من جديد المهم الجهاز التنفسي يسلم ..
وجت الاستشاريه تقلي ابشرك ولدك بخير مايحتاج عنايه ولاشي مع نيو بورن بيكون يارب لك الحمد .. وطبعا الخياط مايحتاج اشكي لكم منه خلوها على الله 😞
والجنين طلع مزوده السونار ٣٠٠ جم
وهذي سالفتي وطولت عليكم وسلامتكم 🌹🌹🌹

الخط عندي غريب كبير اذا اقتبست اقدر اقرا زين انتو زيي ؟

الحمد لله انك خلصتي ياعروسه
احنا بدينا مع السهر والرضاعه
بالنسبه لالم الحوض يحتاج وقت
بس احسن تتطمني مع الدكتوره