عندي عزيمه لاهل زوجي الخميس ومن جد شايله هم تكفون ساعدوني

اموت في زوجي وولدي مشكوره حبيبتي والله يحفظلك زوجك وولدك ام عبودي وبس الله يسهلك ولادتك ويفرح قلبك يارب

ياعمري تسلمين ولاتحاتين حيل
بس لاتنسين صحون الاكل كلها طقم واحد او الوانها قريبه البعض
اوووووووووكي ياعسل
وطمنينا

:09:
وش هالشقا ؟؟ عساني ماتزوجت اذا هالكرف كله عشان ابيض وجه
لكن تعاطفا مع الاخت jodeih جبتلك رابط دجاج تندوري اللي مدري وش يبي
عساه هو المطلوب ..

الدجاج التندورى مع الأرز الهندي

http://forum.hawaaworld.com/showthread.php?t=639639

والله يساعدك حبيبتي :26:

اختي شوفي انا شسوي اذا عندي عزيمة

أولا اختار الأطباق الي بسويها واختارها سهلة وغريبةواهم شي قد سويتها من قبل علشان لا اتوهق... واكتبها في ورقة وهذا قبل يومين من العزومة

ثانيا اكتب مكونات كل طبق علشان اشوف شبحتاج من السوبرماركت واشتريها واجهزها

ثالثا اعمل لسته بالأشياء الي راح اسويها بالترتيب الليلة الي قبل العزومة ويومها وارقمهم وكل ماخلص شي احط عليه صح

رابعا صحون العزومة رتبيها وجهزيها في مكان غير المطبخ قبلها بليلة.. علشان ماتحوسين عليهم قبل المغرب وتوفرين مساحة في المطبخ

خامسا ترتيب المجلس(او المكان الي بيدخلون فيه الضيوف) يكون مرتب قبلها بيوم علشان تتفرغين بس للعزومة والطبخ... بس بخريه قبل جيتهم)

سوي طبق رز ولحم او دجاج بالطريقة الي تضبط معاج
معكرونة بالباشميل، محاشي ورق عنب وملفوف وغيرها(انصحج تجيبينهم من برا) فطاير وسمبوسة، شوربة،
3 انواع سلطات
3 انواع حلو

عصير جاهز او بيبسي وسفن اب
قهوة وشاي

الله يعينج... اكثري من الدعاء

السلام عليكم ورحمة الله وبركاته

اختي jodeih
لا تحاتييين وايد ان شاء الله كل شيء بيصير تمااام وبعدين الاخوات ما قصرن ( الله يعطيهن العافية )
وحبيت يا الغالية اني اكتب لج عن هذا الحلى وااااااااااااااااااايد حلو وسهل وما ياخذ وقت اخذته من ملف الحلويات الي اعدته الاخت هند (جزاها الله خير)
واسمه: آيسكريم بالكريم كراميل والنسكافيه والبسكويت

نحتاج ::
( 1 )
علبتين كريم كراميل ( البودرة وليس الكراميل )
كيسين دريم ويب
3 ملاعق حليب بودرة ( نيدو )
علبتين قشطة ( باردة من الثلاجة )
1 حليب أبو قوس ( بفضل بارد )

( 2 )
بسكويت أولكر
ملعقة نسكافيه بودرة
ملعقتين بودرة كاكاو

الطريقة :
نخلط بالخفاق اليدوي مكونات المجموعة الأولى حتى تتكاثف وتتكون لديكِ كريما كثيفة ليمونية اللون
خذي ثلث مقدار الكريما السابقة وأضيفي عليها ملعقة النسكافيه وملعقتي الكاكاو واخفقي ..
الآن هاتي أطباق التقديم
وضعي طبقة بسكويت ( شربيه بماء مخلوط معه نسكافيه وكاكاو )
ومن ثم طبقة كريما صفراء
ثم طبقة بسكويت
ثم طبقة الكريما البنية
ثم طبقة بسكويت
وفوقها طبقة كريما صفراء
زيني الوجه بالشكولاته السائلة والمكسرات أو كما ترغبين
وضعي الأطباق في الثلاجة حتى تتماسك وقديمها للضيوف

وعندي بعد بعض الحركات تخص التقديم وما جبتها الا من هالمنتدى الطيب:

1- اعدي العصير وليكون لونة فاتح وبعد وضعة بالكاسات الزجاج أضيفي لكل كاسة عصيرقليل من التوت المركز بشويش والآن انظري إلى منظر التموج الرائع في الكأس.

2- في صينيه العصير عند التقديم ننثر ورد مجفف على الصينيه وكما نشعل شمعات على اشكال فواكهه.

3- قديم الحلاوة للضيوف
لازم يكون طبق الحلاوة شفاف وعمبق وحلو الحين جيبي ورد مجفف واملي الطبق لنصفة من الورود وبعد كذا حطي الحلاوة فوق الورود
وزيني حامل الطبق بالورد المجفف وشرايط بسيطة منسقة اللون راح يعطيكي شكل يجنن ومن جد ناعم

4- قدمين التبولة في فلفل رومي ملون ومفرغ وكل ضيف ياخذ له حبة.
واذا الي عندي
***************************
اختي اموت في زوجي وولدي
اتمنى انج تكتبي لي وصيه الرسول عليه الصلاة والسلام في الذكر اذا كثر الشغل لابنته فاطمه
ولج جزيل الشكر