ارجوكم حسوا فيني واعطوني الحل

الله يتمم حملك على خير ويقومك بالسلامة..صدقيني ماتحتاجين شغالة ... تحتاجين جلسة تفاهم مع زوجك بهدوووء فهميه يحس بأنك إنسانه مو جهاز ويقدر ظروفك وتشتركون في شغل البيت مو عيب ولا حرام يقوم يطبخ ويشيل ويغسل وإذا مره مستحيل يجيب الأكل من برا والملابس يوديها المغسلة من باب التخفيف من الشغل...و ثاني شي فهمية أن رمضان شهر عبادة مو شهر اكل مو شرط تملي السفره حلا وموالح ومن كل صنف ..قولي الدكتورة قالت لازم راااحة... الخيار الثالث إذا ما رضي ومافي حل ابد قلي له يجيب في الأسبوع مرتين شغاله بالساعات الساعة ب25 بس ...وانتي اجتهدي في الدعاء والذكر بعد الصلوات سبحان الله له مفعول عجيب ...وكل شي بالتفاهم والهداوة مو بالمشاكل والزعل نفسيتك ماتتحمل ولاتضغطي على صحتك الشغل ملحوق علية إذا حسيتي بتعب روحي ارتاحي حتى لو الدنيا مقلوبة شوفي حلول غير انك تقومي تشتغلي..أو اكتبي كل الي في خاطرك وارسليه له واتس إذا نفسيا ماتقدري تتفاهمي معه وبسرعة تبكي وتزعلي...الله ييسر امورك أغلب الحريم كذا الله يعين على الحياة

جزاكم الله خير

كثرة التشكي من اشيا تافهه دليل قلة التوكل علي الله ...يعني هذا بيتك وهذي عيلتك وهذي صحتك وكلنا زيك وش بيدنا نسوي ...وكلنا متوكلين علي الله ...مو كل شي تكتبون وش الحل زوجي مايحب اروح لااهلي وش الحل ..انا تعبانه من الحمل وش الحل ..!!!!
تعوذي من ابليس وسبحي تسبيحة الي تغني عن خادم قبل النوم ...وتوكلي علي الله واقنعي بقسمتك

حبيبتي الله يعينك و يفرجها عليك
شوفي خدمه سماسكو او خدمه راحه .. عندهم خادمات بالساعه و ممتازات.. تجيك مرتين او اكثر في الاسبوع حسب ميزانيتك و احتياجك
حلو تجيك تنفض البيت و تمشي و تشيل عنك شويه خصوصا في رمضان
و ان شاء الله ما تكلف عليك

جيبي جلايه مواعين الحين عليها تخفيض مع مكنسه كهرب واذا ركبتي السحور جهزي للفطور سوي كميه ليوم