من أكثر أنواع الأزواج كراهة عندي الزوج الي يطلب من زوجته بر أهله بنفس درجته ويطالبها بوصلهم ويحملها في هذا الأمر فوق طاقتها
والظاهر أن زوجك من هذا النوع
شوفي يا أختي .. عندي لك نصيحة هي صعبة وتحتاج صبر وقوة إرادة
لكن صدقيني هي الحل الأفضل في حالتك حتى تتحسن نفسيتك وترجعي لحياتك الطبيعية ولو شوي
(لا تنتظري شي منه وركزي على حياتك) .. نعم هو غلطان وظالم وما عدل بينكم إلخ
لكن اللي تسويه في نفسك ما راح يجيب لك نتيجة وما راح يضر أحد غيرك
سوي شغلات تحبيها .. اهتمي بنفسك وجمالك (عشانك وعشان نفسيتك) .. أشتري لك ملابس وأغراض تبسطك
أخرجي مع أولادك وأنبسطي وأبسطيهم
وإذا قدرتي تتوظفي بيكون أفضل وأفضل .. منه تشغلي وقتك بشي مفيد ومنه تستقلي ماديا وترتاحي
طبعا تطنيش اللي صار واللي يصير حاليا مو سهل على نفسك وما راح يجي بضغطة زر .. لكن أنتي حاولي تطنشي من قلب وتركزي على حياتك
وأجلسي مع نفسك وفكري في الموضوع .. وحاولي تقتنعي بأن صحتك ونفسيتك، وأولادك أهم شي عندك حاليا وأول شي في سلم أولوياتك
وبإذن الله مع الوقت راح يتغير تفكيرك وتركزي على إسعاد نفسك وأولادك قبل كل شي
وإذا كان في خير في زوجك راح يرجع لك إذا الله أراد
مليت من حياتي وكرهت زوجي بعد زواجه علي
متابعة النقاش، صفحة 5