شاركي في النقاش

سجلي الدخول لإضافة تعليق.

التعليقات

103
  1. @bnyty_alaasolh

    لاتلاحقينه قومي بحقوقه بدون تكلف حتى لاجاء يومك وصارت عيونه بالجوال انتي ايضا ناظري جوالك او كتاب
    قومي صلحي حاجه تاكلينها مدامك مجهزتله وجباته الثلاث خلاص عيشي جوك صدقيني بيلاحقك
    ايضاً الاجازه جايه ادخلي دور تحفيظ صيفيه او دورة انقلش او تطوير ذات انشغلي بنفسك راح تشعرين بالرضا
    موضوع الحمل نصيحه اجليه ليما تتعدل نفسيتك ويتعدل هو معاك احسن لك واريح
  2. @zhd_3

    white pepper
    تبين الحل وانا اختك سوى الحين العكس يعني اللي تسوين له الحين وقفيه نصيحة أخت مجربه مؤقت وراقبي الوضع اذا جاء عندك طناش لا تقابلينه إلهي عنه وشوفي وش بيصير اذا تقرب منك هذا هو المطلوب
    نذر بالله كلامها هو الصح ...ليش
    ليش تنهزمين ...انا مثلك تزوج علي وانا حامل بتحريضات الاهل تدمرت نفسيتي وصحتي ونفاسي زفت انجرحت بزواجه لاعبرني ولاقدر ظروفي الصحيه ولا اختار وقت مناسب ولاراضاني بس وزعلت وانجنيت بس كان يستمتع بحزني ...عقبها جافيته وطنشته وماعاد اهتم فيه حاولت اشغل نفسي بعيالي وتربيتهم وتطويرهم واشغلت نفسي رغم الي بداخلي ...والله حتي نوم مانام معه بس كان توه متزوج مو زيك خمس سنوات والله تحسن كثير ورجعلي وتركها بنفسه رغم انه انخبل معها بس ربك
    ...انا مااقول اهجريه يمكن انتي غير عني يمكن تخرب حياتك زود بالهجر والجفوه ..بس اقولك خففي اهتمام وانشغلي بنفسك واكشخي وتشري وصيري اجتماعيه وكوني صداقات لحقي علي عمرك قبل تتعجزين وخليهم يشوفونك وانتي اجتماعيه وسيدة مجتمع وتعزمين وتنعزمين وتسيرين ولك صداقات كثير...وربي عيالك وعلميهم الزين من الشين وطوريهم وهو خليه شي ثانوي بحياتك زي الضيف طلقها ماطلقها بطقاق ...واظغطي علي نفسك واحملي لكن رتبي حياتك اول اهم شي ...وارجعي لربك وكثري استغفار وصلاه وصدقه ....الحياه يااختي موجعه جدا وكدر ونكد وحنا لازم تصبر ونكافح ونبذل الحلول والمجهود ..ولازم تعرفين
    ان الوجع النفسي بيطول معك حتي وانتي تغيرين بحياتك فلاتستسلمين ...انا غيرت بحياتي كثير كثييير وطورت نفسي ورجعلي زوجي لكن لازال هناك وجع نفسي يوم اتذكر بعض الامور .... اذا مريتي بكلامي وقريتيه. قولي بنفسك بفتح صفحه جديده بحياتي ..بغير نفسي ...بعيش حياه جديده وردديها بنفسك ...كرريها علشان تستجيب قواك العقليه وروحك للتطور ...وقولي بنفسك كل العالم عندها شر وكدر موانا اول وحده ولااخر وحده ...وتذكري هالمنتدى كم وحده مجروحه وكم مطلقه وكم عانس وكم معلقه وكم منكوبه وكم وحده انخرب بيتها واحمدي ربك وناظري لفوق ... وطيبي خاطرك بنفسك لاتنتظرينه يطيبه ...واجبري حزنك بنفسك لاتنتظرين احد يرمم احزانك ويداويك ولاتخلين الحزن يرهقك ويسلب صحتك وجمالك وفكرك والهم والغيره تشحب وجهك وتنكد علي عيالك ...وش اقول بس عيشي لنفسك ولعيالك وكثريهم وخلي الناس تولي
  3. @mstylyh

    انتي شايفه انو الثانيه مبسوطه والله اشوفها حياتها اخس منك اول شي زوجها حبها فقط عشان امه يعني لو نقصت عليها بشي او غلطت عليها بشي بيسحب عليها ولاعد في رسايل حب وخرابيط
    كمان مافي حرييه شكلها تزوجها وسكنها عن اهله وهي الي تخدمهم هذا غير حملت وسقطت مرتين وووو ولو خلفت راح تبتلش اكثر من عيال واهلو وزوج وراح تكثر عليها المسوؤليه ووقتها مااظن راح تتحمل الوضع خاصه لما تشوفك مدلعه ولا تسويين شي وهي عليها كل حاجه انتي فكري فيها بتحصلي نفسك الكسبانه عندك بيت مستقل وعندك عيالك حولينك وعندك مصرووف ابسطى عمرك خلاص اتركييه سوى الي عليك من تنظيف وترتيب واهتمي بنفسك واستفيدي من جلوسك تعرفي عل صديقات كملي دراسه وفليها


    اعرف واحده قصتها نفس قصتك بضبط ماطقت له خبر وكانت ترسل عيالها لضرتها حتي لو كان الليله ليله الثانيه وكملت درستها وراح تتوظف والثانيه جلست عشانه عل قولتها مين يطبخ له ومين يهتم فييه مع انو حملت وخلفت الي انو ماكان يبغاها تحمل عل قولته الا بعد 3 سنوات او اكثر الرجال يدورن سعادتهم مو مهم مع مين اهم شي نفسهم

تابعي تجارب أخرى من هذا القسم.