سلام
عمري الان 40 سنه وكبدي تفرك ابي اعيش حياه راقيه ابي عيالي اتكيت وبيتي انيق واسلوبي هادي ورايق وكلامي حكمه ابي كل سنه اسافر اجدد النفسيه ابي اكشخ واتفنن بالحلا ابي زوجي عون مو فرعون ابي اشتري كل اللي نفسي فيه ابي اكون راااايقه مثل بعض الناس ابي صدري وسيع
تخيلو اني اعاني العكس من هذي الاشياء كلها
احس راح العمر ماحققت ربع هالاشياء
طاقه كبدي يعني متى بحقق هالاشياء رغم انها بسيطه بس مدري وشسالفه
حتى القهوه اذا شربتها في بيتي احس بحرقان من الضغوط النفسيه عندي بس طفلين ومضيقين الدنيا بوجهي من كثر ماالاحقهم واهتم فيهم صرت طفشانه طول الوقت لان حتى المويه اذا شربتها ماتنزل مع حلقي الا يتهاوشون عليها
اما الزوج الله لايبلانا من شدة المشاكل مالي نفس على شي وكرهته مره مره مااتكل عليه ابد جالس بالبيت لاوجود له انا اللي قايمه بكلشي وهو دوره يتلقط الزله وينكد علي لما انهار وانصرع حسبي الله وكفا
انا حتى من الضغوط النفسيه صارت تقومني حاله من النوم مثل سكرات الموت لاني انام وانا متضايقه من وضعي
والوظيفه مافيها بركه راح العمر مايوم شريت لي،شي اسمه ماركه وحاليا صار بيني وبين محلات ابو عشرين علاقه قويه هههه
وبرضو وظيفتي اشوف فيها حالات وطالبات قصصهم تدمي القلب واشيل همهم ويزيد الحمل بقلبي
مجرد فضفضه عسى القى وحده مثل حالتي وبعد دهر من العمر الله عوضها وارتحت وجددت شبابها واللي تعرف وحده كذا وتغيرت حياتها مره للافضل تعطيني امل بالحياه
واخيرا الحمدلله على كل حال
شاركي في النقاش
سجلي الدخول لإضافة تعليق.
التعليقات
68- حبيبتي الفائدة مو في الماركة و الإتكيت الفايدة تربين عيالك احسن تربية تربينهم على الدين و الأخلاق الحميدة لأنك مسؤولة عنهم قدام الله و لأنهم هم من يدعونلك بعد وفاتك شوفي اكثر الي ينتحرون بالعالم مشاهير حياتهم اتيكيت و فلوس و رفاهية بس من داخل مظلمين ما فيه نور ياخذ بيدهم للسعادة الحقيقية يملون الحياة رغم رفاهيتهم و ثروتهم و أنا أقلك أحمدي ربي على كل النعم على نعمة الاولاد الي ملايين بالعالم محرومين منها و على نعمة الصحة الي ملايين بالعالم نايمين الحين في سرير ابيض حبيبتي الغالية خلي هدفك من الحياة الجنة الأبدية هناك تلاقين كل الي خاطرك فيه فيها ما لا عين رأت و لا خطر على قلب بشر تقربي من الله أكثري من الإستغفار لأنه يجعل من كل ضيق مخرجا حاولي يكون لك ورد يومي من القرآن و ادعي الله يصلح زوجك و اولادك و ترى السعادة في القناعة انتي عندك سقف يحميك و تاكلي و تشربي غيرك ملايين مو لاقين اللقمة و لا فرش يفترشونه أنصحك يا الغالية شوفي دايما للي أقل منك ما تشوفي للي اكثر منك ترى الفقراء بيدخلون الجنة 500 سنة قبل غيرهم
- لا حول ولا قوة الا بالله
ان شاء الله بكره تزين وتحلى الايام
لان دوام الحال من المحال
هذه حال الدنيا الواحد يقنع ويتاقلم بوضعه يرتاح لو شويه
اسال الله ان يفرج عمك ويبعد عنك كل هم وشر ويسعدك ويريح قلبك - لا تشوفي بس الجانب الاسود من حياتك شوفي الجانب الابيض كيد فيه مو معقوله ماعندك؟!
دايم الانسان ما يشوف إلا اللي ناقصه ..بس انا متأكده ان فيه احد يشوف عندك اشياء ماهي عنده ويقول مشاء الله يا حظها ... - اتوقع فيك اكتئاب من الظروف الي تمري فيها
عشان كذا تشوفي كل شي حولك سيء
الظروف والظغوط النفسيه لها دور في حالتك الي وصلتي لها
الله يفرجها عليك وعلى وع كل من يمر بنفس وضعنا...
انا زيك من ضغط الي على صرت احس ان عيالي هم سبب تعاستي ..بس ارجع واستغفر ربي انه رزقني فيهم ع الاقل اذكبرت يشيلوني - وربي من ضمن الامنيات بيتي يصير كله صلاه وذكر وعيالي يحافظون ع الصلاه
ترى تفكيري مو دنيوي بحت لا حتى الجانب الديني اتمناه وابيه بالمقدمه لاني افتقدت هالشي من الضغوط عشان اكسب الدنيا والاخره
مواضيع مشابهة
تابعي تجارب أخرى من هذا القسم.