السلام عليكم اتمنى تسمعين كلامي بصدر رحب وبدون زعل .. اولا كونك حسيتي ان في شي غلط فمعناته انك انسانه طيبه وعندك احساس غيرك تشوف نفسها صح حتى لو نصحوها .. ثانيا .. حبيبتي عيالك هذولا امانه في رقبتك وسوف تسألين عن كل صغيره وكبيره ..انتي موفره لهم الأكل بس مو مرتاحين .. موفره لهم الوقت بس مايحسون فيه .. والله يااختي انو راح يكبرون ولا راح ينسون هذي المعامله ولا راح يحنون عليك بيوم من الايام وراح يكبرون على عقد نفسيه صعبه راح تأثر على مستقبلهم اللي بعمر 7 سنوات يعني في المدرسه مو صغير لما تسكرين عليه علشان بس تخلصين غسيل او شرب قهوه ابوهم لازم يحس انهم اطفال وان راح يلعبون ويصيحون ويتضاربون طبيعي المفروض اذا هم اولاد مع كل اذان ابوهم ياخذهم المسجد ويعلمهم حرمة المسجد مع الايام راح يهدأوون والعصر تقدرين تسجلينهم بالتحفيظ راح يكون عندهم التزامات وبعد مايرجعون تبدأ مذاكره وبعدها نوم بكذا استفدتي شي وراح يذكرونك بالخير ... لازم نجلس معاهم لازم نحاورهم لازم تكلمينهم على انهم كبار مو بزران لاتسبينهم ولاتلعنين راح يتعلمون وراح تتعبين معاهم اذا غلطو قولي الله يسامحكم .. الله يهديكم .. الله يصلحكم .. ترى الدعاء وقت المصيبه حلو عكس لما تدعين عليهم ترى يمكن يكون وقت استجابه وتندمين ... .. اشتري لهم بلاستيشن راح يجلسون ساعه عليه ماتحسين فيهم اثناء ماهم يلعبون خلصي شغلتك .. والله يعينك على تربيتهم وينبتهم نباتا حسنا ... اعتذر عن الاطاله لكن ارجع واكرر كونك تقولين انك مذنبه فأعرفي انك انسانه طيبه والاحساس مامات بقلبك ... الله يسعدك ويبارك لك بعيالك وبتربيتهم يارب ...