شاركي في النقاش

سجلي الدخول لإضافة تعليق.

التعليقات

102
  1. @sosyo

    انا ضد اللي تغلط في الردود وترمون الاخت بالفاظ سيئه وجارحه اذا اي انسانه طلبتنا ننصحها واجب علينا ننصحها برفق وبكلام طيب حتى لو كانت مسويه مصيبه ... هذي الاخت كانت تحبس اطفالها بس يمكن انها تتخذ هذا الاجراء باستمرار و كان ضميرها يأنبها وعندها قلب وتحس ...... لييييش الكلام الغلط اللي ترمونه عليها ؟!!
  2. @thhbyh1

    ياحرااام 😢والله جتني ضيقه كيف هم اجل
    تعب نفسي صراااحه
    هذي انفس تبي تشعر بالحريه ماااينفع ابد حتى لو حطيتي عندهم كل شي
    قولي تقفلين عليهم باب شقه مع توفير الحمايه
    لاكن غرفه حرام والله
    تعذيب نفسي
  3. @am_mohy

    انا اذا جيت انام اخليهم يقفلون الغرفه من برى عشان اذا يبون شي يدشون ياخذونه و يطلعون. 🤣
    بس الجهال م يلعوزوني شاريه راحتي ولا الباب مفتوح و كل شوي جايني واحد ماما ماما لما ارد يقولي خلود يقعد بسريري😑😑
  4. @krz_34

    خيرررررر
    وش ذي الردود
    حبيبتي والله خليهم راعيات المثاليه
    انتي مضغوطة بالله لو تغافلوك وانتي بالمطبخ واخذوا سكين
    او شوكه وجرحوا انفسهم بيفيدونك !!!!
    وانتي تغسلين السيراميك واحد يركض وتزحلق وطاح ع راسه بيفيدونك


    الاطفال اشقياء احبسهم اذا عارفه بيتأذون
    لو رحتي تذاكرين بغرفتك اوك او بالمجلس
    وخليتيهم وصار لهم شي وكتبتي موضوع هينا
    بيلومون فيك و و و و
    قولي زوجك ما يقصر و و و و سيل من المدائح
    وقولي انه يتأذى من الصغار لما يلعبون قدامه او او او
    شوفي النصايح رقديهم سكتيهم احبسيهم الخ...
    هذا من الردود اللي اقراها هينا دايم




    خلاصة كلامي
    لاتاخذين منهم راي
    ربي رزقك اطفال خلاص بامانتك مو بامانتهم
    سوي اللي ترتاحين له لا تستشيرينهم
    عيالك انتي وبس


    وشغله ثانيه طفلك سبع سنوات
    يميلون هالعمر لتأنيب ضميرك وانتي ماتحبينا
    و و و وغرفة الحبس ومدري ايش
    ماعليك تجاهليه وفهميه ليه يدخلون غرفتهم


    في برنامج ناني سوبر
    كانت اللي تدرب الوالدين تدخل الاطفال الساعه ٩ بالليل
    ع اسرتهم ولايطلعون من الغرفه نهائي لانهم كانوا يسهرون
    وبكا واحتجاج
    وبنفس البرنامج ام تشتغل بالبيت وشغلها يحتاج تركيز
    علمتها العقاب وكيف يجلسون عاقلين
    وغرفة العقاب
    حطي رابط البرنامج هينا انواع المدح مع ان بردودهم يعارضونها


    اراء متقلبه تحب تلوم
    وتلقينهم في اخطاء تربويه يسوونها
    سوي اللي مرتاحه له
    والله يوفقك بدراستك
  5. @zhd_3

    لاتبررين لعمرك سواتك شينه ماترضي ابد ...
    خليهم يتعلمون كيف يتعايشون حتي لو هي ساعه لاتتعاملين معهم ك حيوانات ...
    انا عندي 5اطفال ولاعمري سويت ذاالشي ...انظف واغسل وامسح واكنس واطبخ ويدخلون معي المطبخ ولكن منتبهه مايقربون للفرن والاشيا الحاده ...والحمدلله خذوها عاده فيه حاجات مايقربونها وصارو يجلسون بالصاله وانااشتغل بدون ازعاج وحوسه ...المساله تعويد مو حبس كذا ولدرجة انهم يبكون ليش دام يبكون وتازمو من طاري الغرفه معناة وضعهم وصل لدرجه نفسيه حرجه والطفل مسكين مايعرف يشكي ..انااذكر وحده الله يغفر لها تحبس ولدها وحنا صغار علشان مايزعج الحين رجال 25سنه وشخصيته ضعيفه ومكسوره مو زي عيال جيله ودايم ساكت ....يااخواتي قلعة البيت والتنظيف ..الطفل بالسنين الاولي يحفظ كل شي ينعمل له ويتاثر ويهتز او يعتدل سلوكه فالسنين ذي ...والسنين الاولي لازم نحرص اننا نشكل نفسيتهم وعقولهم وتصرفاتهم بهدوء بدون ظغوطات بدون هالحركات الشاذه حبس او ربط او ضرب او عنف اي كان شكله ..والسنين الاولى الي اقصده من سن سنه الي 15سنه ...ترا من موقف واحد الطفل ينهار وياخذ بنفسه علشان كذا التربويين والاطباء دايما يحذرون من الاشيا السلبيه ذي فما بالك بشي يتكرر عليه ...اختي جرحتك الردود ولاماجرحتك لازم تقدرين استنكار الناس لهذا الشي لاتنتظرين شكر او مدح وتاييد ...
    هذولي عيالك لاتحطينها بنفوسهم لاتغلطين غلطه ارتكبها كثيريين في حق عيالهم سلبو راحتهم النفسيه بهدوء بحجة ذي تربيه او ابي ارتاح او او او ..

تابعي تجارب أخرى من هذا القسم.