ام زوجي

مااخبي علي زوجي شي بالذات من ناحية اهله ومااقوله فتنه لا والله بس من باب العلم بالشي انه صار وممنوع يدخل بيني وبينهم ومطلوب يبر امه
فعشان كدا يحاول يمسك العصايا من النص ويخلينا نحل مواضيعنا سوى وباحترام
حكي لزوجك ايش المشكله من باب العلم مو من باب الشكايه وروح كلمها
وفي الكذب اواجه الواحد عادي
( اذا جاءكم فاسق بنبأ فتبينوا ) بس تخيري اسلوب غير مباشر
عشان تبطل كذب


مثلا قدام زوجك واخته وامه تقولي حلووه الهديه الي جبتيها للام او الاخت
والزوج حيفهم القصه بنفسه

اخر كلامك قلتي "أن زوجك عصبي ومتاكدة انك لو قلتي له راح يتخاصم معها "... اخاف انها تكذب علشان تتقي شره وتكسب وده مدام متاكده راح يتخاصم مع أمه هذا عقوق الله يهديه... .
نصيحتي لك لاتخبرينه لأنها أمور حياتيه تافهه ماتستاهل مشاكل وخليك على ما انتي عليه قللي زيارات ... ولاتتركي عيالك يروحو لحالهم مدام شفتيهم يقفلو على طفلة في الحمام ....
وصاحباتك لاتخبريها انهم جايين أو خلي زياراتهم سهرة من بعد عشرة الليل ماظن يناسبها تجي أو وقت مايجوها بناتها خلي صاحباتك يجون ...
و تأكدي دوام الحال من المحال حاولي اي مكان تروحية أو ناس تعايشيهم تتركي اثر جميل حتى لو مايستاهلو لأنك المستفيدة يوم القيامة والله يوفقك

ههههههههتهه الله من حركات العجايز تجيكم وماتبيكم هههههههه ...ياختي نصيحه لاتشرهون عليها وكملو حياتكم واعتبرو جيتها لوجه الله صدقه ....وش بتسوون يعني بتطردون عجوز مسكينه وتقولون مانبيك ...عادي احتسبوها لله والله اني اتمنى ام زوجي عايشه لان ام الزوج بركه وتلم العيال وتحسين بجو عائلي وجمعات من يموتون تبدا حياة التوحد وكلن ببيته مايجي احد ...خليكي اطيب منها

الأشياء الظاهره خلي أبناؤك يحكوها لأبوهم وإنت إذاسألك قولي لا تحط ببالك ولا تتعبي حالك هم بنفسهم راح يصيروا يحتجوا ويتدمروا

احكي ل زوجكك ايش يصير معاكِ م يصير تقعدين ساكته بس تكلمي معاه ب اُسلوب وحاولي إنكك م تكبري الموضوع ولا تعبي راْسه ع أمه يعني حاولي يكون كلامك موزون وقولي له انك تحبين أمه بس هي تتصرف تصرفات م افهمها ولا تكلمي مع عمتك وقولي لها ليش تعمل كذا معاكي لا تخبي شي بصدرك
والااااااااههههم من ذَا ..
بيتك ثم بيتك ثم بيتك انتبهي له .
الولد كل شي عنده ولا أمه ف حاولي بقدر الإمكان كلامك عن أمه يكون كويس .
والله يكون في عونك ويصبر قلبكك
ويخلي لك عيالك ويبرون فيكك ويهديهم ربي ويصلحهم ..