اعطوني حل بسرعه😔💔

السلام عليكم
والله اني اكتب وانا حيل متضايقة ابغى حل😢
بنتي عمرها ٥سـنوات وزنها ١١كيلو
شهيتها صفر وووش اسوي فيها تعبت وانا اطبخ وانوع أصناف ولا تاكل حتى انها تقول لي ابغى تسوين لي كذا وكذا واسويه لها وبالأخير ولا لقمه
وتنام وهي ماصة اصبعها ع الجوع
وتحت عيونها اسود من سوء التغذية لا تقولون اوديها مستشفى لان م عطوني حل غير انهم قالوا اكثر لها وجبات
بس كيف اكثر لها وهي ماتاكل 😢
ياليت تعطوني حل الله يحقق امانيكم❤️

9 تعليق 961 مشاهدة

شاركي في النقاش

سجلي الدخول لإضافة تعليق.

التعليقات

9
  1. @aryg_alotn_1

    اعطيها عسل مع ماي عالريق حتى لو رفضت كأنه دوى الزامي اعطيها وامنعي عنها اي حلويات وشبسات وخرابيط وحطي الفواكه قدامها ومرة وحده بسي نبيها عليها انه عندك فواكه وهي بتأكل من نفسها
  2. @sosyo

    استمري وقدمي لها الاكل بدون ما تجبريها و وقفي اي حلويات او عصيرات او بطاطس وبسكويتات نهائيا .... انتي جيبي لها منها بس خليها بعيده عنها وقولي اذا خلصتي صحنك اختاري ومره بعد مره بتتعود على الاكل وكمان حاولي تترك ** الاصبع لأنها تخليها تصبر على الجوع
    وزي ما قالوا الاخوات داومي باعطائها العسل لو ملعقه صغيره مرتين او ثلاث يوميا
  3. @amany_61

    اعطيها فيتامين وفاح شهيه
    وتحت عيونها اسود لان معها نقص حديد اكيد
    او معها جيوب انفيه
    اعطيها فاتح شهيه
  4. @amany_fysl

    أبعدي عنها الحلويات والشبسات والعصائر الصناعية وأعطيها فاتح شهيه
    قدمي لها الأكل بطرق طفولية وبأواني ملونه وغربية الشكل لتفلت الإنتباه
    وتعاملي معها بأسلوب التحدي والترغيب ولا تجبرينها أو تعاقبينها لأنها ماكلت
    وحاولي قد ما تقدرين تخلينها تترك عادة مـص الأصبع لأنه بيسبب تشوهات فيه
    وفي الفك العلوي والأسنان غير الميكروبات والجراثيم اللي تدخل بجسمها
    وربي يحفظها لك .

تابعي تجارب أخرى من هذا القسم.